ඩෙංගු රෝගය තවදුරටත් ඉහළට - මෙහෙයුම් මැදිරියක් ස්ථාපිත කර විශේෂ දුරකතන අංකයක් හඳුන්වා දෙයි

දිවයින පුරා සීඝ්‍රයෙන් සිදුවන ඩෙංගු රෝග ව්‍යාප්තිය සම්බන්ධ සියලුම හදිසි තොරතුරු සහ මහජන පැමිණිලි ඉතාමත් කඩිනමින් අදාළ අංශ වෙත යොමු කිරීම සඳහා සෞඛ්‍ය හා ජනමාධ්‍ය අමාත්‍යාංශය විසින් විශේෂ ඩෙංගු මෙහෙයුම් මැදිරියක් අලුතින්ම ස්ථාපිත කර තිබේ.

ඒ අනුව රට තුළ පවතින ඩෙංගු රෝගී තත්ත්වයන් සහ එහි සාර්ථක පාලන කටයුතු සම්බන්ධයෙන් වන නිවැරදි තොරතුරු කඩිනමින් ලබා ගැනීම සහ ලබාදීම සඳහා විශේෂ දුරකතන අංකයක් ද රජය විසින් නිල වශයෙන් හඳුන්වා දී ඇති අතර එම සෘජු දුරකතන අංකය 0117966366 වේ.

සමාජ මාධ්‍යම කලඹමින් මිස්‍ටර් කොත්තුගේ වීඩියෝ ලීක් හිතාගන්නවත් බැරි තොරතුරු එළියට - පරුෂ වචනයෙන් බැන සේවකයන්ට පහර දුන්නට අත්අඩංගුවට ගැනීමට විමර්ශන

රට තුළ පවතින ඩෙංගු රෝග ව්‍යාප්තියට අදාළ ඕනෑම රහස්‍ය තොරතුරක්, මදුරුවන් බෝවන ස්ථාන පිළිබඳ පැමිණිලි සහ ඒ සඳහා අවශ්‍ය විධිමත් දැනුවත් කිරීම් ලබා ගැනීම සඳහා මෙම නව දුරකතන අංකය උපරිම අන්දමින් භාවිත කරන ලෙස සෞඛ්‍ය හා ජනමාධ්‍ය අමාත්‍යාංශය සමස්ත මහජනතාවගෙන් ඉතාමත් ඕනෑකමින් ඉල්ලා සිටී.

දැනට පවතින ඩෙංගු රෝග ව්‍යාප්තිය සම්පූර්ණයෙන්ම අවම කිරීම සඳහා වගකිවයුතු මහජන සහභාගීත්වය සහ දායකත්වය මේ මොහොතේදී අතිශය වැදගත් වන බව පෙන්වා දෙන අමාත්‍යාංශය මෙම නව ජාතික සේවාව පිළිබඳව රටේ සමස්ත ජනතාව නිසි ලෙස දැනුවත් කිරීම සඳහා සියලුම රාජ්‍ය සහ පෞද්ගලික මාධ්‍ය ආයතන හරහා ඉතාමත් පුළුල් ප්‍රචාරයක් අඛණ්ඩව ලබාදෙන ලෙස ද විශේෂ ඉල්ලීමක් කරයි.

සේවකයන්ට මගෙන් වැරැද්දක් වුණා ඒකට සමාවෙන්න - මිස්ටර් කොත්තු සියල්ල පාපොච්චාරණය කරමින් ලංකාවෙන්ම සමාව ඉල්ලයි