කළු ගඟේ ජල මට්ටම ඉහළට -ඉදිරි පැය කිහිපය තුළ මේ ප්‍රදේශවල ඉන්න අය අනිවාර්යයෙන්ම සැලකිලිමත් වන්න

කළු ගඟේ කුඩා ගඟ උප ද්‍රෝණියේ ඉහළ ජල පෝෂක ප්‍රදේශවලට සැලකිය යුතු වර්ෂාපතනයක් ලැබී තිබේ.

පවතින වර්ෂාපතන තත්ත්වයන් සහ කළු ගඟ ද්‍රෝණිය තුළ වාරිමාර්ග දෙපාර්තමේන්තුව විසින් නඩත්තු කරනු ලබන ගංගා මිනුම් මධ්‍යස්ථානවල වාර්තා වූ ජල මට්ටම් විශ්ලේෂණය මත පදනම්ව, කළු ගඟ ද්‍රෝණියේ කුඩා ගඟ උප ද්‍රෝණියේ සුළු ගංවතුර තත්වයක් දැනට නිරීක්ෂණය වෙමින් පවතී.

කෙසේ වෙතත්, මෙතෙක් ලැබී ඇති වර්ෂාපතන දත්ත සහ පවතින වර්ෂාපතන රටාව අනුව, ඉදිරි පැය කිහිපය තුළ ගංගා ජල මට්ටම්වල සැලකිය යුතු හෝ වේගවත් වැඩිවීමක් අපේක්ෂා නොකෙරේ.

විශේෂ කාලගුණ නිවේදනයක්-බස්නාහිර ඇතුළු පළාත් කිහිපයකට අදත් වැසි සහ තද සුළං

එබැවින්, බුලත්සිංහල, මදුරාවල සහ පාලින්දනුවර ප්‍රාදේශීය ලේකම් කොට්ඨාසවල කුඩා ගඟ සහ මගුර ගඟ පිටාර තැනිතලාවේ පහත් බිම් ප්‍රදේශවල ජීවත් වන පදිංචිකරුවන් මෙන්ම මෙම ප්‍රදේශ හරහා ගමන් කරන වාහන රියදුරන් ද ප්‍රවේශම් වන ලෙස අදාළ ආපදා කළමනාකරණ ආයතන සහ අනෙකුත් වගකිවයුතු බලධාරීන්ගෙන් ඉල්ලා සිටී.

මෙම තත්ත්වයට ප්‍රතිචාර වශයෙන් අවශ්‍ය පූර්වාරක්ෂාව සහ සූදානම පියවර ගන්නා ලෙසද ඉල්ලා සිටී.