දිවයින පුරා රාජ්‍ය සේවකයින් පිරිසක් රටටම දැනෙන බලපෑමක් කරන්න යයි..
Aruna
සේවා ව්‍යවස්ථාවක් ලබා දීම සහ දීමනා ගැටලුවක් මුල් කරගනිමින් දියත් කර ඇති වෘත්තිය ක්‍රියාමාර්ගය වෙසක් සතියෙන් අනතුරුව තවදුරටත් දැඩි කිරීමට ග්‍රාම නිලධාරී සංගම් තීරණය කර තිබෙන බව වාර්තා වනවා.
ඔවුන් පෙරේදා සිට සේවා කටයුතුවලින් ඉවත් වූ අතර අදින් එම වෘත්තිය ක්‍රියාමාර්ගය අවසන් කරනු ලැබුවා.
කෙසේ වෙතත් සිය ගැටලු සදහා ආණ්ඩුව නිහඩ ප්‍රතිපත්තියක් අනුගමනය කරන්නේ නම් වෘත්තිය ක්‍රියාමාර්ගය දැඩි කරන බවයි, ශ්‍රී ලංකා එක්සත් ග්‍රාම නිලධාරී සංගමයේ සභාපති නන්දන රණසිංහ කොළඹ අද පැවති ප්‍රවෘත්ති සාකච්ඡාවට එක්වෙමින් සදහන් කළේ.
මේ අතර, අද (16) දිනයේ දකුණු පළාතේ සියලුම රෝහල් සහ සෞඛ්‍ය වෛද්‍ය ආයතනවල වැඩ වර්ජනයක් ක්‍රියාත්මක කරනු ලැබුවා.
ඒ උදෑසන 8.00 සිට 12.00 දක්වා පැය 4ක කාලයක්. ඒ අනුව, එම කාලය තුළ ඔවුන් සේවාවෙන් ඉවත් වී වැඩ වර්ජන ක්‍රියාමාර්ගයට අවතීර්ණ වූ බවයි පැවසෙන්නේ.
වෘත්තීය ක්‍රියාමර්ගයට පෙර නිවේදනයක් නිකුත් කරමින් එම වෘත්තීය සමිති සන්ධානය සඳහන් කළේ, ඒ සඳහා සෞඛ්‍ය වෘත්තීය සමිතිය 72කට අයත් සාමාජිකයන් සම්බන්ධ වන බවයි.
