අක්කර 20ක් අළු කරමින් ගිනිගත්හේන ෆයිනස් රක්ෂිතයේ දරුණු ගින්නක් - දිගටම පැතිරේ

හැටන් අඩවි වන කාර්යාලය යටතේ පාලනය වන ගිනිගත්හේන කඩවල ප්‍රදේශයේ පිහිටි ෆයිනස් වගා රක්ෂිතයක පසුගිය (26) දින රාත්‍රියේ හටගත් ගින්නක් මේ වන විට රක්ෂිතය පුරා සීඝ්‍රයෙන් පැතිර යමින් පවතියි.

හැටන් - කොළඹ ප්‍රධාන මාර්ගයේ කඩවල ප්‍රදේශයෙන් ආරම්භ වූ මෙම ගින්න (27) දින වන විට නෝර්ටන්බ්‍රිජ් - ගිනිගත්හේන මාර්ගයේ පිහිටි ජල සම්පාදන පිරිපහදු මධ්‍යස්ථානය දක්වාම ව්‍යාප්ත වී ඇති බව ප්‍රදේශවාසීහු පවසති.

එම ප්‍රදේශයේ පවතින අධික වියලි කාලගුණ තත්වය ප්‍රයෝජනයට ගනිමින් කිසියම් පිරිසක් විසින් සිදුකළ ගිනි තැබීමක් හේතුවෙන් මෙම විනාශය සිදුවන්නට ඇති බවට සැක කෙරේ.

මේ අයට මාසෙකට දින තුනක් නිවාඩු ලබාදෙන ලෙසට දැනුම් දීමක්

මේ පිළිබඳව අප කළ විමසීමකදී හැටන් වන අඩවි නිළධාරි වි.ජේ. රුක්ෂාන් මහතා සඳහන් කළේ, පැතිර යන ගින්න මැඩපැවැත්වීම සඳහා තම කාර්යාලයේ නිළධාරීන් සහ ප්‍රදේශවාසීන් එක්ව මේ වන විට දැඩි පරිශ්‍රමයක් දරමින් සිටින බවයි.

නව අවුරුද්දට සුරක්ෂිත ගමනක් - කොළඹ සහ ප්‍රධාන නගරවල විශේෂ පොලිස් වැඩපිළිවෙළ