ගෝලීය බලපෑම් මැද ආසියානු කොටස් වෙළෙඳපොළ තුන්වන දිනටත් කඩා වැටෙයි

ඊශ්‍රායල්-ඉරාන යුධ ගැටුම් හමුවේ ආසියානු කොටස් වෙළෙඳපොළවල් අඛණ්ඩව තුන්වන දිනටත් පහත වැටී තිබෙන අතර, ඉන්ධන මිල ඉහළ යාම හේතුවෙන් ආයෝජකයින්ගේ අවදානම් විරෝධී ආකල්පය උග්‍ර වී තිබෙනවා.

දකුණු කොරියාවේ කොස්පි (KOSPI) දර්ශකය ඊයේ (03) 7.24%කින් පහත වැටී 5,791.91ට පහත ගිය අතර, අද (04) උදෑසන වෙළෙඳපොළ විවෘත වූ විට තවදුරටත් 3.44%කින් (ආසන්න වශයෙන් 3.7% දක්වා) පහත ගොස් 5,579 පමණ මට්ටමක පවතින බව වාර්තා වෙනවා. මෙය මෑතකාලයේ දැක ඇති බරපතලම පහත වැටීම්වලින් එකක් ලෙස සැලකෙනවා.

ඉරානෙට ගහන්න කඳවුරු දුන් නැති නිසා ට්‍රම්ප්ගෙන් තර්ජනයක් - ස්පාඤ්ඤය එක්කත් සතුරු වෙයි

ජපානයේ නිකේයි 225 (Nikkei 225) දර්ශකයද පහත වැටීම් පෙළගැස්සීමේදී තවදුරටත් 2-3%ක පමණ අඩුවීමක් පෙන්වා ඇති අතර, මීට පෙර දිනවලදී 1.35% සිට 2% දක්වා පහත ගිය බවත් විදෙස් මාධ්‍ය වාර්තා කරනවා.

ඕස්ට්‍රේලියාවේ S&P/ASX 200 දර්ශකය ආසන්න වශයෙන් 1.3% සිට 1.8% දක්වා පහත වැටී රතු පැහැයෙන් පවතින අතර, හොංකොංහි හැන්ග් සෙන්ග් (Hang Seng) දර්ශකයද 1.1% සිට 2% පමණ අඩුවීමක් සමඟ රතු තත්ත්වයේම පවතින බව දක්නට ලැබෙනවා.

මේ අතර, තීරණාත්මක හෝමුස් සමුද්‍ර සන්ධිය හරහා නැව් ගමනාගමනය සැලකිය යුතු ලෙස ස්ථාවර වී ඇති බැවින්, අද (04)උදෑසන වන විට බ්‍රෙන්ට් බොරතෙල්  මිල 1.2%කින් ඉහළ ගොස් ඇති අතර, මීට පෙර දිනවලදී මිල $80-$84 පමණ මට්ටම්වලට ඉහළ ගොස් ඇති බව වාර්තා වෙනවා. මෙය ගෝලීය ඉන්ධන සැපයුම්වලට බලපෑම් ඇති කරමින් ආයෝජකයින්ගේ බිය තවදුරටත් වැඩි කර තිබෙනවා.

හෝමූස් හරහා ගමන් කරන වෙළෙඳ නෞකාවල ආරක්ෂාව අපි සතුයි - ට්‍රම්ප්ගෙන් සහතිකයක්

නරේන්ද්‍ර මෝදී වැඩට බහී - ඉන්දියාවත් අවදානෙන් - හතරේ අතේ මැදපෙරදිගට දුරකථන ඇමතුම්