භාණ්ඩාගාර ඩොලර් මිලියන 2.5 සයිබර් මංකොල්ලය විමර්ශනය කරන්න FBI කණ්ඩායමක් හදිසියේම ලංකාවට

ශ්‍රී ලංකා භාණ්ඩාගාර අරමුදල්වලින් ඩොලර් මිලියන 2.5ක සයිබර් සොරකමක් සහ එක්සත් ජනපද තැපැල් බලධාරීන්ට ගෙවීම් සම්බන්ධයෙන් තවත් ඩොලර් 625,000ක සයිබර් සොරකමක් පිළිබඳ විමර්ශනයට සහාය වීම සඳහා එක්සත් ජනපද ෆෙඩරල් විමර්ශන කාර්යාංශයේ (FBI) කණ්ඩායමක් ශ්‍රී ලංකාවට පැමිණ ඇති බව වාර්තා වේ.

ජ්‍යෙෂ්ඨ නිලධාරියෙකු උපුටා දක්වමින් ඩේලි මිරර් පුවත්පත වාර්තා කර ඇත්තේ, සොරකම් කරන ලද මුදල් එක්සත් ජනපදයේ මූල්‍ය පද්ධති හරහා ගලා ගොස් විවිධ ප්‍රාන්තවල බැංකු ගිණුම් කිහිපයකට යොමු වී ඇති බව විමර්ශනවලින් අනාවරණය වී ඇති බවයි.

ඒ අනුව විමර්ශනය ජාත්‍යන්තර මට්ටමකට ගොස් ඇති අතර, අපරාධ පරීක්ෂණ දෙපාර්තමේන්තුව සහ එක්සත් ජනපද ෆෙඩරල් විමර්ශන කාර්යාංශයේ නිලධාරීන් අතර දැනටමත් එක්සත් ජනපද තානාපති කාර්යාල පරිශ්‍රය තුළ පුළුල් සාකච්ඡා කිහිපයක් පැවැත්වී ඇති බවද සඳහන් වේ.

"දේශපාලන බලයෙන් ඉඩම් අල්ලපු කාලේ ඉවරයි" - අම්පාරේදී ජනාධිපති අනුර කුමාර දිසානායකගෙන් ප්‍රබල අනාවරණයක්

සොරකම් කළ අරමුදල්වල ඩිජිටල් පියසටහන් සොයා ගැනීම සඳහා එක්සත් ජනපද ෆෙඩරල් විමර්ශන කාර්යාංශයේ කණ්ඩායම අපරාධ පරීක්ෂණ දෙපාර්තමේන්තුව සමඟ සමීපව කටයුතු කරමින් සිටින බවද වාර්තා වේ.

විමර්ශන වාර්තා අනුව, සයිබර් ප්‍රහාරය විදේශ සම්පත් දෙපාර්තමේන්තුව ඉලක්ක කරගෙන සිදුව ඇති අතර, නිල විද්‍යුත් තැපැල් පද්ධතිවලට අනවසර ප්‍රවේශයක් ලබාගෙන ඇතැයිද සඳහන්.

එමඟින් ඕස්ට්‍රේලියාවට ගෙවිය යුතු ඩොලර් මිලියන 22.9ක ණය ආපසු ගෙවීම් ක්‍රියාවලියකට සම්බන්ධ ලේඛන හරවා යවා ඇති බවද විමර්ශනවලින් අනාවරණය වී තිබේ. මේ අතර, “Biz Solutions” නමින් හඳුනාගත් විදේශීය සමාගමක් හරහා මුදල් මාරු වී ඇති බවටද සැක පළවී ඇත.

කෙසේ වෙතත්, සියලු සහයෝගීතා තිබුණද, අදාළ මුදල් අවසානයේ ගිය නිශ්චිත ගිණුම් හෝ ගනුදෙනු මාර්ග තවමත් සම්පූර්ණයෙන් තහවුරු කර ගැනීමට නොහැකි වී ඇති බව විමර්ශකයින් පිළිගෙන තිබේ.

අපරාධ පරීක්ෂණ දෙපාර්තමේන්තුව වෙත අවශ්‍ය තාක්ෂණික සහාය සහ පූර්ණ සහයෝගය ලබාදීමට එක්සත් ජනපද ෆෙඩරල් විමර්ශන කාර්යාංශයේ එකඟ වී ඇති බවද වැඩිදුරටත් වාර්තා වේ.

චීනයේ ගල්අඟුරු පතලක් පුපුරා යයි - 8ක් මිය යද්දී තවත් 38ක් විෂ වායු මැද පණපිටින් සිරවෙයි

"පුස් සටන් පාඨ පස්සේ ගියොත් රට හැදීමේ අරමුණ ඉවරයි" - හිටපු කථානායකවරයා වර්තමාන යථාර්ථය කියයි