ඉන්දියාව ගැන කතාවත් කළේ නෑ පාස්කු ප්‍රහාරය ගැන බොරු ප්‍රචාර කළ මන්ත්‍රීට උපරිම නීති ක්‍රියාත්මක කරනවා - විජිත

උසස් නිලතල පිළිබඳ කාරක සභාව තුළ දී සාකච්ඡාවට ලක් නොවුණු කතාවක් සම්බන්ධයෙන් මන්ත්‍රීවරයෙක් විසින් වැරදි ප්‍රකාශයක් මාධ්‍යයට නිකුත් කර ඇති බවත් ඒ පිළිබඳව ඔහුට විරුද්ධව නීතිමය ක්‍රියාමාර්ග ගන්නා බවත් අමාත්‍ය විජිත හේරත් මහතා ප්‍රකාශ කරයි.

ඔහු මේ බව අද (09) පාර්ලිමේන්තු සභාවාරය අමතමින් සඳහන් කළා.

එසේම උසස් නිලතල පිළිබඳ කාරක සභාව තුළ සාකච්ඡාවට ලක් වන කරුණු ගැන මාධ්‍යයට තොරතුරු ලබා දීමට එහි සිටින කිසිවෙකුට හෝ සදාචාරාත්මක අයිතියක් නොමැති බවද අමාත්‍යවරයා පැවසුවා.

පාස්කු ප්‍රහාරයේ මහ මොළකරු ගැන සංසරණය වන පුවත ගැන විශේෂ පොලිස් නිවේදනයක්

ඒ අනුව අඳාළ සිදුවීම සම්බන්ධයෙන් මහජන ආරක්ෂක ලේකම්වරයා දැනටමත් අපරාධ පරීක්ෂණ දෙපාර්තමේන්තුවට පැමිණිල්ලක් ඉදිරිපත් කර තිබෙන බවත් වැරදි ප්‍රවෘත්ති ප්‍රචාරය කළ පුද්ගලයින්ටත්, පුවත ලබා දුන් අයටත් නීතිය දැඩිව ක්‍රියාත්මක කරන බවත් ඔහු අවධාරණය කළා.

මෙහිදී වැඩිදුරටත් අදහස් දක්වමින් ඔහු සඳහන් කළේ එම කමිටුව තුළ, පාස්කු ප්‍රහාරය ඉන්දියාවේ වුවමනාවට ක්‍රියාත්මක වූ එකක් සහ එහි මහ මොළකරු ඉන්දියාවේ යන වග රවී සෙනවිරත්න ලේකම්වරයා විසින් කිසිසේත්ම ප්‍රකාශ කර නැති බවයි.

එමෙන්ම මෙය තම රජය විසින් ගොඩනගා ගත් රාජ්‍ය තාන්ත්‍රික සබඳතා කඩාකප්පල් කිරීමේ අරමුණින් සිදු කළ වැරදි ප්‍රචාරයක් බවත් විජිත හේරත් මහතා ප්‍රකාශ කළා. වැඩිදුරටත් කරුණු දක්වමින් අමාත්‍යවරයා සඳහන් කළේ,

පාස්කු ප්‍රහාරයේ මහමොළකරු ගැන ආන්දෝලනාත්මක ප්‍රකාශයක්

''ඉන්දියාව ගැන කතාවත් කළේ නෑ. කිසිම රටක් ගැන සඳහන් කළේ නෑ. නමුත් ඉතාමත් වැරදි විදිහට සහ සාහසික විදිහට වැරදි ප්‍රවෘත්තියක් නිර්මාණය කරලා තියෙනවා ඒ කමිටුව නියෝජනය කරන මන්ත්‍රීවරයෙක්. ඒක වැරදි පූර්වාදර්ශයක්.. ඒ නිසා ඒකට අදාළව ගන්න පුලුවන් උපරිම නීත්‍යනුකූල ක්‍රියාමාර්ග අනිවාර්‍යෙන්ම ගන්නවා.. මොකද එකක් උසස් නිලතල පිළිබඳ කාරක සභාවේ කතා වෙන දේවල් මාධ්‍යවලට දෙන්න සදාචාරාත්මක අයිතියක් නෑ.. ඒක වැරදී.. හරියට මේක ගැන අවබෝධයක් තියෙනවා නම් ඒක රකින්න ඕනේ.. ඒවා මධ්‍යට දෙන සදාචාරයක් නෑ.. ඒවා නීතිවලට පටහැනියි''

තමන්ගේ පුතාට කරන අපහාසවලට එරෙහිව සමන්ත විද්‍යාරත්න CID යයි