විදුලි ගාස්තු 50%කින්වත් වැඩි කරන්න වෙයි, සංජීව රටටම අනතුරු අඟවයි

විකෘති සහගත ආකාරයට සහ කොන්ත්‍රාත්කරුවන්ට පහසු වන ලෙස විදුලි බල සංශෝධන පනත වෙනස් කර ඇති බවත් ඒ හේතුවෙන් විදුලි සේවකයන්ට ලක්ෂ පනහ බැගින් වන්දි ගෙවීමට නම් විදුලි ගාස්තු අවම ලෙස සීයට පහකින්වත් වැඩිකිරීමට සිදුවන බවත් විදුලිය පාවිච්චි කරන්නන්ගේ සංගමයේ ජාතික ලේකම් සංජීව ධම්මික මහතා චෝදනා නගයි.

රට පුරා විදුලිය බිද වැටීමක් - විදුලිබල මණ්ඩලයෙන් අනතුරු ඇගවීමක්

ඒ අනුව ඔහු මාධ්‍ය වෙත විශේෂ ප්‍රකාශයක් කරමින් සඳහන් කළේ,

දැන් විදුලිබල මණ්ඩලය කොටස් හතරකට කඩලා. මේ සමාගම් හතරට ඇතුළත් වෙන්න අකමැති සේවකයන්ට ඉවත් වෙන්න ක්‍රමවේදයක් හදලා. එසේ හදද්දි ඉවත් වන සේවකයකුට රුපියල් ලක්ෂ පනහක දක්වා ලංවිම සේවකයන්ට වන්දි දෙනවා. සේවකයන් පන්දහසක් පමණ ඉවත් වුණොත් මිලියන පහ ගාණේ රුපියල් කෝටි දෙදහස් පන්සීයක් (රුපියල් බිලියන 25) ගෙවන්න වෙනවා. මේ ගාණ විදුලි පාරිභෝගිකයාගෙන් අය කරගැනීමට විදුලි ගාස්තු වැඩි කිරීමේ සූදානමක් ක්‍රියාත්මක විය හැකියි ඉදිරියේදී. ඒ නිසා අස්වන සේවකයන්ට වන්දි ගෙවන්න විදුලි ගාස්තුව වැඩි කරන්නේ නෑ කියලා අපි මාලිමා ආණ්ඩුවෙන් සහතිකයක් ඉල්ලනවා.

තෙල් මිල ගැන ලැබුණු සුබ ආරංචිය

පසුගිය අවසන් කාර්තුව තුළත් බිලියන පහකට අධික ලාභයක් විදුලි බල මණ්ඩලය ලැබුවා. මාලිමා ආණ්ඩුවේ ප්‍රතිව්‍යුහගතකරණය නිසා සේවකයන්ගේ ඉවත්වීම වෙනුවෙන් ගෙවන වන්දි මුදල් පාරිභෝගිකයා මත පටවන්න ඉඩ තබන්න එපා යයි අපි මහජන උපයෝගීතා කොමිෂන් සභාවෙන් ද ඉල්ලීමක් කරන්න කැමතියි. ඒ වගේම ප්‍රතිව්‍යුහගතකරණයේදී ලංවිම කොටස් හයකට වෙන් කළ යුතු බවයි පනතේ තියෙන්නේ. මෙයාලා කඩලා තියෙන්නේ හතරකට. මේක විකෘතියක්. මේ ගැන ආණ්ඩුව පැහැදිලි කිරීමක් කළ යුතුයි." යනුවෙන්.

නඩු 14ක් තියෙනවා - පුළුවන් නම් අත්අඩංගුවට ගන්න කියලා මහින්දගෙන් අභියෝග