සොනාල් දිනූෂගෙන් සටන්කාමී ශතකයක් – ශ්‍රී ලංකා ඉනිම ගෞරවාන්විත තත්ත්වයකට ගොඩනඟයි

සොනාල් දිනූෂගෙන් සටන්කාමී ශතකයක් – ශ්‍රී ලංකා ඉනිමට ශක්තිමත් පදනමක් ශ්‍රී ලංකාව සහ ඉන්දියාව අතර ගාල්ල ජාත්‍යන්තර ක්‍රිකට් ක්‍රීඩාංගණයේදී පැවැත්වෙන පළමු ටෙස්ට් තරගයේදී සොනාල් දිනූෂ විශිෂ්ට සටන්කාමී ශතකයක් වාර්තා කරමින් ශ්‍රී ලංකා ඉනිමට ශක්තිමත් පදනමක් ලබාදීමට සමත්ව තිබේ.

තම සිව්වැනි ටෙස්ට් තරගයට ක්‍රීඩා කරන සොනාල් දිනූෂ අද (17) වාර්තා කළේ සිය මංගල ටෙස්ට් ශතකයයි. පන්දු 167කට මුහුණ දෙමින් ශතකය සම්පූර්ණ කළ දිනූෂගේ ඉනිමට හතරේ පහර 4ක් සහ හයේ පහර 2ක් ඇතුළත් විය. ඉන්දියාව සිය පළමු ඉනිම සඳහා ලකුණු 462ක් රැස් කර තිබියදී, ශ්‍රී ලංකා කණ්ඩායම කඩුලු 5ක් දැවී ලකුණු 90ක් පමණක් ලබා දැඩි අසීරුතාවකට පත්ව සිටියේය.

දික්වැල්ල සහ දිනූෂ අර්ධ ශතක වාර්තා කරයි - ශ්‍රී ලංකා ඉනිම ගොඩනැගීමට දැඩි සටනක [LIVE

එම අවස්ථාවේදී පිටියේ එක්වූ නිරෝෂන් දික්වැල්ල සහ සොනාල් දිනූෂ ශ්‍රී ලංකා ඉනිම ගොඩනැගීමේ වගකීම භාර ගත්හ. ඔවුන් දෙදෙනා හයවැනි කඩුල්ල වෙනුවෙන් ලකුණු 146ක විශිෂ්ට සබඳතාවක් ගොඩනඟමින් ඉන්දීය පන්දු යවන්නන්ට එරෙහිව සාර්ථකව සටන් කිරීමට සමත් වූහ.

නිරෝෂන් දික්වැල්ල ලකුණු 72කට දැවී යාමත් සමඟ එම සබඳතාව බිඳ වැටුණද, අනෙක් අන්තයේ රැඳී සිටි සොනාල් දිනූෂ සිය ඉනිම තවදුරටත් ශක්තිමත් කරමින් සිය මංගල ටෙස්ට් ශතකය සම්පූර්ණ කළේය.

දිනූෂගේ මෙම සටන්කාමී ඉනිම හේතුවෙන් දැඩි අසීරුතාවකට පත්ව තිබූ ශ්‍රී ලංකා කණ්ඩායමට ගෞරවාන්විත ලකුණු සංඛ්‍යාවක් කරා ළඟා වීමට අවස්ථාව උදා විය. ශ්‍රී ලංකා පළමු ඉනිම සියලු දෙනා දැවී ලකුණු 284කට සීමා විය.

ඉන්දියාවේ ආධිපත්‍යයට ශ්‍රී ලංකාව දුන් අභියෝගය - ශ්‍රී ලංකා–ඉන්දියා ටෙස්ට් සටනේ සම්පූර්ණ ඉතිහාසය මෙන්න