ලංකාවට මොකක්ද මේ වෙන්න යන්නේ භයානක තත්ත්වයක් ගැන දැනුම්දෙයි - රෝගීන් 2,420ක්

ජාතික ඩෙංගු මර්දන ඒකකයේ වැඩබලන අධ්‍යක්ෂ වෛද්‍ය කපිල කන්නන්ගර මහතා විසින් ශ්‍රී ලංකාව තුළ මේ වන විට ඩෙංගු රෝගීන්ගේ වර්ධනයක් පෙන්නුම් කරන බව ප්‍රකාශ කරයි.

ඒ අනුව මාධ්‍ය හමුවකට එක්වෙමින් වෛද්‍යවරයා පෙන්වා දෙන්නේ ඉකුත් ජනවාරි 01 වැනිදා සිට ඊයේ (09) දින දක්වා ගතවූ දවස් 9 තුළ පමණක් ‍රට පුරා ඩෙංගු රෝගීන් 2,420ක් වාර්තා වී ඇති බවයි.

එසේම ඉන් වැඩිම ඩෙංගු රෝගීන් ප්‍රමාණයක් වාර්තා වී ඇත්තේ බස්නාහිර පළාතෙන් බවත් වාර්තා විය.

ඒ ඩෙංගු රෝගීන් 1,317ක් ලෙසයි. එමෙන්ම වෛද්‍යවරයා සඳහන් කළේ දකුණු පළාතෙන් 361ක් මධ්‍යම පළාතෙන් 192ක්, සබරගමුව පළාතෙන් 165ක්, නැගෙනහිර උතුරු සහ වයඹ පළාත්වල 4%ක් වශයෙන් ඩෙංගු රෝගීන් වාර්තා වී ඇති බවයි.

දිවයිනේ සියලුම රජයේ පාසල්වල සිසුන්ට විශේෂ දැනුම්දීමක් - ජනවාරි 19 සිට

ඒ අනුව මෙම පළාත්වලින් දිස්ත්‍රික්ක ලෙස ගත් කළ වැඩිම ඩෙංගු රෝගීන් ප්‍රමාණයක් වාර්තා වී ඇත්තේ කොළඹ දිස්ත්‍රික්කයෙන් බවත් එම දිස්ත්‍රික්කයෙන් ඩෙංගු රෝගීන් 625ක් වාර්තා වන බවත් කොළඹ දිස්ත්‍රික්කයේ කොළඹ නගර සභා සීමාව තුළ රෝගීන් 165ක් වාර්තා වී ඇති බවද වෛද්‍යවරයා වැඩිදුරටත් පෙන්වා දෙයි.

ඊට අමතරව ගම්පහ දිස්ත්‍රික්කය තුළ රෝගීන් 393ක් සහ කළුතර දිස්ත්‍රික්කයෙන් 128ක් ද රෝගීන් වාර්තා වී ඇති බවත් සඳහන්.

එමෙන්ම අනෙකුත් පළාත් ආශ්‍රිතව ගත් විට දකුණු පළාත තුළ ගාල්ල සහ මාතර යන දිස්ත්‍රික්කවල ඩෙංගු රෝගීන් සැලකිය යුතු මට්ටමක් වාර්තා වී ඇති බවත් ගාල්ල දිස්ත්‍රික්කයෙන් රෝගීන් 148 සහ මාතර දිස්ත්‍රික්කයෙන් 162ක් වාර්තා වී ඇති බවත් වෛද්‍යවරයා පවසයි.

සුබ ආරංචියක් - රාමසාන් වෙනුවෙන් සියලුම රාජ්‍ය ආයතනවලට විශේෂ චක්‍රලේඛයක්

තවද මහනුවර දිස්ත්‍රික්කට තුළ රෝගීන් 140ක් ද රත්නපුර දිස්ත්‍රික්කයෙන් 113ක්ද වාර්තා වී ඇත. එබැවින් මෙම දිස්ත්‍රික්ක කිහිපය තුළ ඩෙංගු රෝගීන් අවධානය යොමු කළ යුතු මට්ටමකින් වාර්තා වී ඇති බව පෙන්වා දුන් වෛද්‍යවරයා කියා සිටියේ දැනට පවතින වර්ෂාපතනය සහ ඇතිවූ ආපදා තත්ත්වය මෙම ඩෙංගු රෝගීන් වාර්තා වීම ඉහළ යාමට බලපා ඇති බවයි.

ඊට අමතරව වෛද්‍යවරයා පෙන්වා දුන්නේ කාලගුණ විද්‍යා දෙපාර්තමේන්තුව මඟින් ලබා දී ඇති පුරෝකථන අනුව ඉදිරි කාලයේදීත් වර්ෂාපතන තත්ත්වයන් පෙන්නුම් කරන බැවින් මේ සම්බන්ධව අවධානය යොමු කළ යුතු බවයි.

එනිසා මදුරුවන් බෝවන ස්ථාන විනාශ කිරීම මෙන්ම මදුරුවන් බෝවීම වළක්වා ගැනීමද අත්‍යවශ වන බව පෙන්වා දුන් වෛද්‍යවරයා ඒ පිළිබඳව ජනතාව අවධානය යොමු කළ යුතු බවද පෙන්වා දෙයි.

රුපියල් 5000හේ නෝට්ටුව භාවිතා කරන ගනුදෙනුකරුවන්ට දැනුවත් කිරීමක්