බලශක්ති ඇමති කුමාර ජයකොඩිට ඩී.වී චානකගෙන් අභියෝගයක් - විවාදයකට එන්න කියයි

ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී ඩී.වී. චානක මහතා බලශක්ති අමාත්‍ය කුමාර ජයකොඩි මහතාට දූෂිත ගල් අඟුරු ටෙන්ඩරය පිළිබඳ ඕනෑම මාධ්‍ය නාලිකාවක විවාදයකට පැමිණීමට අභියෝග කර තිබේ.

මන්ත්‍රීවරයා පැවසුවේ, මෙම ගනුදෙනුව සම්පූර්ණයෙන්ම දූෂිත බව ඔහුට ඔප්පු කළ හැකි බවයි. වත්මන් රජය පාලනය ආරම්භ කළ මුල් සතිවල සිටම දූෂණ සහ වංචාවල නිරත වී ඇති බවට ඔහු චෝදනා කළ අතර, පසුගියදා පාර්ලිමේන්තුවේදී මහා පරිමාණ ගල් අඟුරු වංචාව පිළිබඳ තොරතුරු අනාවරණය කළේය.

ගුරු භවතුන් සහ සියලු පාසල් සිසුන්ට විශේෂ දැනුම්දීමක්

චෝදනා කිරීමේදී මන්ත්‍රීවරයා සඳහන් කළේ, සාමාන්‍යයෙන් අප්‍රේල් මාසයේ කැඳවිය යුතු ගල් අඟුරු ටෙන්ඩරය රජය සැප්තැම්බර් මාසය දක්වා කල් දැමීමට කටයුතු කළ බවයි.

එමෙන්ම, ලංකාවට ගෙන ආ පළමු ගල් අඟුරු නැව් දෙකේ Calorific value 5600–5800 අතර පවතින බව ලක්විජය බලශක්ති බලාගාරයේ පරීක්ෂණවලින් තහවුරු වී ඇති අතර, ටෙන්ඩර් මාර්ගෝපදේශය අනුව මෙය අවම වශයෙන් 5900 විය යුතු බව ඔහු චෝදනා කරමින් පැවසීය.

ගැඹුරු පීඩන අවපාතය ගැන නවතම දැනුම්දීම මෙන්න