ලංකා ඛනිජ තෙල් නීතිගත සංස්ථාවෙන් දැනුවත් කිරීමක්

 රුසියාවෙන් මෙරටට ඉන්ධන ලබා දීම ස්ථිර කර ඇති බව ලංකා ඛනිජ තෙල් නීතිගත සංස්ථාව ප්‍රකාශ කර තිබේ.

  මෙරට ඉන්ධන ගොඩබෑම සඳහා පවතින ස්ථාන දෙකෙහිම කාර්යබහුලත්වය හේතුවෙන් නෞකා ගෙන්වා ගැනීමට ප්‍රමාද වන බව එහි කළමණාකරන අධ්‍යක්ෂ, ආචාර්ය මයුර නෙත්තිකුමාර මහතා සදහන් කර තිබේ.

ඒ සම්බන්ධයෙන් පැහැදිලි කරන ආචාර්ය මයුර නෙත්තිකුමාර මහතා ප්‍රකාශ කළේ මෙවන් අදහසක්

  "රුසියාව එක්ක සාකච්ඡා කරනවා. මේ වෙද්දි අප්‍රේල් සහ මැයි මාසයේ තෙල් නැව් ගොඩාක් දුරට ස්ථීර කරලා තියෙනවා. එතකොට ලංකාවේ ප්‍රධාන වශයෙන් තෙල් බාන්න පුළුවන් තැන් දෙකයි තියෙන්නේ. එතකොට එවැනි ස්ථානයකට රුසියානු සමාගමකින් ලබාදෙන තෙල් නැවක් එන්න තියෙන දින සහ තාක්ෂණික කාරණා තමා දැන් මේ වෙද්දි සාකච්ඡා කරමින් ඉන්නේ. නමුත් තෙල් ලබාගන්න පුළුවන් කියන එක ස්ථීර වෙලා තියෙන්නේ."

"හෙට දිනයේ දී තවත් ඩීසල් නැවක් ලංකාවට සේන්දු වෙන්න තියෙනවා. එහි ඩීසල් මෙක්ට්‍රික් ටොන් 32,000ක් සහ ගුවන් යානා ඉන්ධන මෙක්ට්‍රික් ටොන් 5,000ක් පමණ රැගෙන එනවා. ඒ වගේම 6 සහ 7 තවත් ඩීසල් නෞකා දෙකක් එන්න නියමිතයි. එහෙම ගත්තහම අප්‍රේල් මාසයේ මුල් සතියේ දී අපි බලාපොරොත්තු වෙන සියලූම නෞකා ලංකාවට ළඟාවෙමින් තියෙනවා. ඒ වගේම පහුගිය මාසයේ දී අපි බලාපොරොත්තු වුණ සියලුම නෞකා ලංකාවට ළඟාවුණා. ඒ අනුව උත්සව සමය අවසන් වෙලා පස්වෙනි මාසය අවසන් වනතරු ලංකාව තුළ තෙල් තියෙනවා. නමුත් තෙල් මිල අධික නිසා පරිස්සමින් පරිහරණය කරන්න කියලා අපි ජනතාවගෙන් ඉල්ලා සිටිනවා."  

සිංහල අලුත් අවුරුද්දට පොලීසියෙන් කරන්න යන විශේෂ දේ මෙන්න

රන් මාල ප්‍රශ්නය උඩු දුවයි - භානුක රාජපක්ෂ විසින් යොවුන් නිළි හර්ෂි වෙත එන්තරවාසියක්