හෙට ඉස්කෝල පැවැත්වෙනවා කීවට ගුරුවරුන් උගන් වන්න එයි ද?. ඔවුන් ගත් තීරණය මෙන්න..
krishani
අද (08) මෙන් හෙට ද දිවයින පුරා වෘත්තීය සමිති 200කට අධික සංඛ්‍යාවක් අසනීප නිවාඩු වැඩ වර්ජනයක නිරත වීමට තීරණය කර තිබෙනවා.
මෙම තත්ත්වය යටතේ මෙම විරෝධතාවයට ගුරුවරුන් සහ විදුහල්පතිවරුන් ද සහභාගී වීමට නියමිතය.
එමෙන්ම, ලංකා ගුරු සංගමයේ ප්‍රධාන ලේකම් ජෝසෆ් ස්ටාලින් මහතා පැවසුවේ ගුරු විදුහල්පති වෘත්තීය සමිති අද දිනයේ සේවයට වාර්තා කළ ද හෙට දිනයේ අසනීප නිවාඩු වාර්තා කිරීමට තීරණය කර ඇති බවයි.
නමුත්, අධ්‍යාපන අමාත්‍යාංශය නිවේදනය කළේ අද සහ හෙට පාසල් සාමාන්‍ය පරිදි සිදුවන බවයි.
ඒ, අනුව දෙමාපියන්ගේ සහයෝගය සහිතව ලබන සතියේ සාමාන්‍ය පරිදි පාසල් කටයුතු කරගෙන යන ලෙස අධ්‍යාපන අමාත්‍යාංශය විදුහල්පතිවරුන්ට උපදෙස් දී තිබෙනවා.
කෙසේ වෙතත්, අමාත්‍යාංශ ලේකම් තිලකා ජයසුන්දර ක්මෙහත්මිය පැවසුවේ, රාජ්‍ය සේවා වෘත්තීය සමිති හෙට ආරම්භ කිරීමට සැලසුම් කර ඇති ලෙඩ නිවාඩු වර්ජනයට ප්‍රතිචාර වශයෙන් මෙම තීරණය ගත් බවයි.
ඒ අනුව පාසල් කටයුතු බාධාවකින් තොරව පවත්වාගෙන යාම රජයේ අරමුණ බව ඇය වැඩිදුරටත් සඳහන් කළේ ය.
