රිදම නවත්වන්න බෑ! ‘රිදම් ඔෆ් ගිටාර්’ට අධිකරණ ආරක්ෂාව

කොළඹ වාණිජ මහාධිකරණයේ අමලී රණවීර සභාපතිනිය මුල්කරගෙන විභාග වූ නඩුවකදී, සුරේෂ් මලියද්ද සහ තවත් පස් දෙනෙකුට “රිදම් ඔෆ් ගිටාර්” සිංහල චිත්‍රපටයේ සංගීතය හා සංකල්පය භාවිතා කරමින් සංගීත සංදර්ශන චිත්‍රපටයක් (concert film) ලෙස වේදිකාගත කිරීම වළක්වමින් වාරණ නියෝගයක් (injunction) නිකුත් කර තිබේ.

චිත්‍රපටයේ නිෂ්පාදක සමාගම වන ආර්ට් මූවීස් (පීවීටී) ලිමිටඩ් විසින් ආරම්භ කළ නඩුවකදී මෙම නියෝගය ලබා දී ඇති අතර, විත්තිකරුවන් ලන්ඩන්, ඕස්ට්‍රේලියාව, කැනඩාව ඇතුළු ජාත්‍යන්තර නගර කිහිපයක සංගීත සංදර්ශන මාලාවක් සැලසුම් කර ඇති බවත්, ඒවා “රිදම් ඔෆ් ගිටාර්” නමින් ප්‍රචාරය කරමින්, නිෂ්පාදකයාගෙන් අවසරයක් ලබා නොගෙන චිත්‍රපටයේ සංගීතය හා කතාන්දරය භාවිතා කර ඇති බවත් පැමිණිලිකරු පාර්ශ්වය විසින් ඉදිරිපත් කරන ලදී.

ළමයි දැනගන්න ඕනේ ප්‍රජනනය ගැන නොව, ගුණධර්ම ගැන. මම උගන්වන්නේ ඒ නිසි වයසෙ ඉන්න අයට.. පුංචි ළමයින්ට නෙමෙයි - මුතුගල

පැමිණිලිකරු පාර්ශ්වයේ ප්‍රධාන තර්ක:

සිනමා චිත්‍රපටයක ආර්ථික අයිතිවාසිකම් (economic rights) ප්‍රධාන වශයෙන් නිෂ්පාදකයා සතු බවත්, ප්‍රකාශන හිමිකම් නීතිය (Copyright Act) යටතේ එය ආරක්ෂිත බවත්.

සංගීත අධ්‍යක්ෂවරයා හා ගායකයන්ට චිත්‍රපටයේ සංගීතය හෝ සංකල්පය වාණිජමය වශයෙන් භාවිතා කිරීමට ස්වාධීන අයිතියක් නොමැති බවත් (එය නිෂ්පාදකයාගේ ප්‍රකාශිත අවසරය මත පමණක් සිදු විය යුතු බවත්).

විත්තිකරුවන්ගේ සංදර්ශන මාලාව චිත්‍රපටයේ නම හා සංගීතය භාවිතා කරමින් ප්‍රචාරය කිරීම ප්‍රකාශන අයිතිය උල්ලංඝනයක් බවත්.

කාන්තාවන් හා දරුවන් අනතුරේ - AI භාවිතයෙන් ඇඳුම් ගැලවූ බවට චෝදනා

ඉදිරිපත් කිරීම් සලකා බැලූ අධිකරණය විසින් ඉල්ලා සිටි අන්තර්කාලීන වාරණ නියෝගය (interim injunction) ලබා දුන් අතර, එමඟින් විත්තිකරුවන්ට එම සංගීත සංදර්ශන පැවැත්වීම හෝ ඉදිරියට ගෙන යාම වළක්වා තිබේ.

පැමිණිලිකරු වෙනුවෙන් පෙනී සිටි නීතිඥයන් වූයේ තුෂාර සමන්පාලි අමරසිරිගේ උපදෙස් මත ක්‍රියා කළ අලි සබ්රි, ෂමිත් ප්‍රනාන්දු, ෂෙහානි අල්විස් හා නාමික් නෆාත් ය.

මෙම නඩුවේ ඊළඟ විභාගය සඳහා දිනයක් නියම කර ඇති අතර, වාරණ නියෝගය තවදුරටත් දීර්ඝ වනු ඇතැයි බලාපොරොත්තු වේ. “රිදම් ඔෆ් ගිටාර්” චිත්‍රපටය අභාවප්‍රාප්ත ක්ලැරන්ස් විජේවර්ධන මහතාගේ ජීවිත කතාව මුල්කරගෙන නිර්මාණය කළ ජනප්‍රිය සිංහල චිත්‍රපටයක් වන අතර, එහි සංගීතය හා කතාන්දරය ජනතාව අතර ඉහළ ජනප්‍රියත්වයක් ලබා ඇත.

ළමයි දැනගන්න ඕනේ ප්‍රජනනය ගැන නොව, ගුණධර්ම ගැන. මම උගන්වන්නේ ඒ නිසි වයසෙ ඉන්න අයට.. පුංචි ළමයින්ට නෙමෙයි - මුතුගල