අදත් උදේම බිහිසුණු අනතුරක් - බස් රථයක් ප්රපාතයකට පෙරළී 42 ට තුවාල
කොළඹ සිට බදුල්ල දක්වා ධාවනය වූ ලංකා ගමනාගමන මණ්ඩලයට අයත් බස් රථයක් අද(27) අලුයම අඩි 20ක පමණ ප්රපාතයකට පෙරළීමෙන් බිහිසුණු අනතුරක් සිදුව ඇත.
එම අනතුරෙන් පුද්ගලයින් 42 ක් තුවාල ලබා ඇති බව සඳහන්.
ඒ අතර පිරිමි පුද්ගලයින් 36ක් සහ කාන්තාවන් 6ක් සිටින බව පොලිසිය පවසයි.
මෙසේ බස් රථය අනතුරට ලක්ව ඇත්තේ දියතලාව දුම්රිය පොළ ආසන්නයේදීයි.
ඒ අනුව පොලිසිය සඳහන් කළේ අනතුරින් තුවාල ලැබූ පිරිස දියතලාව රෝහලට ඇතුළත් කර තිබෙන බවයි.
එසේම දියතලාව රෝහලේ ප්රකාශකයෙකු සඳහන් කළේ බරපතළ තත්ත්වයේ පසුවූ එක් අයෙකු බදුල්ල රෝහලට මාරු කර යැවු බවයි.