බොලිවුඩයේ විශාලතම සිනමා සම්මාන රාත්‍රිය..(VIDEO/PHOTOS)
Piyumika
බොලිවුඩ් සිනමාවේ සුවිශේෂීම සම්මාන උළෙල වන 'අයිෆා සිනමා සම්මාන උළෙල' (IIFA 2024) ඊයේ (29) අබුඩාබි හී දී පැවැත් වුණා.
ඒ, එහි 24 වැනි සංස්කරණය ලෙසින්. බොලිවුඩයේ සුපිරි තරු පෑයූ අසිරිමත් රාත්‍රියේදී, හොඳම නළුවා ලෙස සම්මාන ලැබුවේ 'King Khan' එහෙමත් නැත්නම් කවුරුත් දන්නා සුපිරි තරුව ෂාරුක් ඛාන්.
ඔහුට මේ සම්මානය හිමිවුණේ 'ජවාන්' චිත්‍රපටය වෙනුවෙන්. සම්මාන උළෙලේ හොඳම නිළිය ලෙස සම්මාන ලද්දේ රාණි මුඛර්ජි. ඒ, 'Mrs Chatarji Vs Norway' චිත්‍රපටය වෙනුවෙන්.
අනෙකුත් සම්මානලාභීන් නම්,
හොඳම සහාය නළුවා - අනිල් කපූර් (ඇනිමල් චිත්‍රපටය)
හොඳම සහාය නිළිය - ශබනා අස්මි (රොකී සහ රාණි චිත්‍රපටය)
හොඳම දුෂ්ටයාට හිමි සම්මානය - බොබි ඩියෝල් (ඇනිමල් චිත්‍රපටය)
වසරේ හොඳම චිත්‍රපටය - ඇනිමල් චිත්‍රපටය
හොඳම අධ්‍යක්ෂ - විදු විනෝද් චොප්රා (12th Fail චිත්‍රපටය)
හොඳම පසුබිම් ගායකයා - බුපෙන්ද්‍ර බාබල්
හොඳම පසුබිම් ගායිකාව - ශිල්පා රාඕ
හොඳම තිර රචනය - Rocky aur Rani ka prem kahani සහ 12th fail
හොඳම සංගීතය - ඇනිමල් චිත්‍රපටය වෙනුවෙන්
හොඳම පද රචනය - ඇනිමල් චිත්‍රපටය වෙනුවෙන්
එමෙන්ම, එහිදී සිනමාවේ 25 වසරක් සම්පූර්ණ කළ කරන් ජොහාර් සහ සිනමාවට කළ අද්විතීය මෙහෙවර වෙනුවෙන් ජයන්තිලාල් ගඩා, හේමා මාලිනී ද සම්මානයෙන් පිදුම් ලබා තිබුණා.
IIFA 2024 සත්කාරකත්වය දරනු ලැබුවේ ෂාරුක් ඛාන් විසින්. ඔහු සමඟ විකී කෞෂාල් සහ කරන් ජොහාර් වේදිකාව වර්ණවත් කර තිබුණා.
