විගණකාධිපති පත්කිරීමේ අවසන් තීන්දුව

ආණ්ඩුක්‍රම ව්‍යවස්ථාදායක සභාව හෙට (03) රැස්වීමට නියමිත අතර, එහිදී විගණකාධිපති ධුරය සඳහා ජනාධිපති අනුර කුමාර දිසානායක මහතා විසින් නිර්දේශ කර ඇති නම පිළිබඳ අවසන් තීරණය ගැනීමට බලාපොරොත්තු වෙනවා.

ප්‍රවාහන ඇමැති බිමල් රත්නායක මහතා මහනුවරදී පැවති මාධ්‍ය හමුවකදී කියා සිටියේ, ජනාධිපතිවරයා මේ වන විට පස්දෙනකුගේ නම් ව්‍යවස්ථාදායක සභාව වෙත යොමු කර ඇති බවත්, හෙට එම සභාව රැස්වීමෙන් පසු සුදුසු අයෙකු පත්කිරීමට තීරණය වන බවත්ය. රජයේ විගණන සේවා සංගම්ද මෙම තනතුරට සුදුසුකම් ලත් පුද්ගලයෙකු පත්වන බවට විශ්වාසය පළ කර තිබෙනවා.

ජනාධිපතිවරයා විසින් ඉකුත් සිකුරාදා (30) ජ්‍යෙෂ්ඨ නියෝජ්‍ය විගණකාධිපති එල්. එස්. අයි. ජයරත්න මහත්මියගේ නම ව්‍යවස්ථාදායක සභාවට නැවත යොමු කර තිබෙනවා. මීට පෙරද ඇයගේ නම යොමු කර තිබුණත්, සභාව විසින් ප්‍රතික්ෂේප කර තිබුණා. දැන් නැවත යොමු කිරීමත් සමඟ බොහෝ දෙනාගේ අවධානය යොමු වී ඇත්තේ ඇය කෙරෙනවා.

කොළඹට අද ලොකු කලබලයක් - රජය දැඩි තීරණයක

එල්. එස්. අයි. ජයරත්න මහත්මිය විගණකාධිපති ධුරයට පත්වුවහොත්, ශ්‍රී ලංකාවේ විගණන දෙපාර්තමේන්තුවේ ඉතිහාසයේ වසර 227කට පසු පළමු වරට කාන්තාවක් එම තනතුර දරනු ඇති බව සඳහන්. ඇය වර්තමානයේ ජාතික විගණන කාර්යාලයේ ජ්‍යෙෂ්ඨ නියෝජ්‍ය විගණකාධිපතිවරිය ලෙස කටයුතු කරනවා.

මෙම තනතුර 2025 අප්‍රේල් මාසයේදී පෙර විගණකාධිපති චුලන්ත වික්‍රමරත්න මහතා විශ්‍රාම ගැනීමෙන් පසු මාස 9කට වැඩි කාලයක් හිස්ව පැවතුණා. ජනාධිපතිවරයා විසින් මීට පෙර යොමු කළ නම් කිහිපයක් (සෙයිලෝන් පෙට්‍රෝලියම් සංස්ථාවේ විගණක නිලධාරියෙකු ඇතුළුව) සභාව විසින් ප්‍රතික්ෂේප කර තිබුණා. එබැවින් මෙම නව නිර්දේශයට විශේෂ අවධානය යොමු වී තිබෙනවා.

විගණකාධිපති ධුරය රාජ්‍ය මූල්‍ය කළමනාකරණයේ ස්වාධීනත්වය හා විනිවිදභාවය සහතික කිරීම සඳහා ඉතා වැදගත් තනතුරක් බැවින්, හෙට ගැනෙන තීරණය රටේ ආර්ථික හා පරිපාලන ක්ෂේත්‍රවලට බලපෑම් ඇති කරනු ඇති බව සැලකෙනවා. විපක්ෂයේ සමහර සාමාජිකයින් ඇතැම් නම් පිළිබඳ වැඩිදුර පරීක්ෂාවක් අවශ්‍ය බව ප්‍රකාශ කර තිබෙනවා.

ආරක්ෂාව තර කරයි, රථවාහන සකසයි - ගංගාරාමයේ ධාතූන් වහන්සේ ප්‍රදර්ශනයට විශේෂ සැලැස්මක්