උසස් පෙළ වෘත්තීය විෂය ධාරාවට 12 ශ්‍රේණිය සඳහා අයදුම්පත් කැඳවනු ලැබේ

2025/2026 අධ්‍යයන වර්ෂය සඳහා උසස් පෙළ වෘත්තීය විෂය ධාරාව සඳහා 12 ශ්‍රේණියට ඇතුළත් වීම සඳහා අයදුම්පත් කැඳවන බව අධ්‍යාපන අමාත්‍යාංශය නිවේදනය කර තිබෙනවා.

අමාත්‍යාංශයට අනුව, ඇතුළත් වීමේ අයදුම්පත්‍රය, අයදුම් කළ හැකි පාසල් ලැයිස්තුව සහ වෘත්තීය පුහුණු ක්ෂේත්‍ර ඇතුළු තොරතුරු අධ්‍යාපන අමාත්‍යාංශයේ වෙබ් අඩවියේ විශේෂ දැන්වීම් යටතේ ප්‍රකාශයට පත් කර ඇත.

අධ්‍යාපන අමාත්‍යාංශය වැඩිදුරටත් පැවසුවේ මෙම විෂය ධාරාවට සිසුන් ඇතුළත් කර ගැනීමේදී අ.පො.ස. සාමාන්‍ය පෙළ විභාගයේ ප්‍රතිඵල සැලකිල්ලට නොගන්නා බවය.

හිටපු ජ්‍යෙෂ්ඨ නියෝජ්‍ය පොලිස්පති ප්‍රියන්ත ජයකොඩි රිමාන්ඩ්

එබැවින්, මෙම ක්‍රමය මඟින් සිසුන්ට 12 ශ්‍රේණියට ඇතුළත් වීමට, 13 ශ්‍රේණිය දක්වා පාසල් අධ්‍යාපනය දිගටම කරගෙන යාමට සහ දේශීයව සහ ජාත්‍යන්තරව පිළිගත් වෘත්තීය සුදුසුකමක් (NVQ 4) ලබා ගැනීමට අවස්ථාව ලබා දේ.

අධ්‍යාපන අමාත්‍යාංශය පවසන්නේ 2024 (2025) හෝ පසුගිය වසර 2 තුළ සාමාන්‍ය පෙළ විභාගයට මුහුණ දුන් ඕනෑම සිසුවෙකුට තම ප්‍රදේශයේ වෘත්තීය විෂය ධාරාවක් ඇති පාසලක 12 ශ්‍රේණිය සඳහා ඉල්ලුම් කළ හැකි බවයි. 

 12 ශ්‍රේණියට ඇතුළත් වන සිසුන්ට මෘදු කුසලතා වර්ධනය කිරීම සහ වෘත්තීය ක්ෂේත්‍ර හඳුන්වාදීම අරමුණු කරගත් මොඩියුල අනුගමනය කළ හැකිය.

යෝජනා තියේනම් කියන්න අපි සලකා බලනවා උඩු යටිකුරු කරන්න හදන අධ්‍යාපන ක්‍රමය ගැන හරිනිගෙන් ප්‍රකාශයක්

13 ශ්‍රේණියේ දී, සිසුන්ට සුදුසු වෘත්තියක NVQ මට්ටමේ 4 පුහුණුවක් සඳහා පාසල විසින්ම රජයේ වෘත්තීය පුහුණු ආයතනයකට සිසුන් යොමු කරනු ලැබේ.

මේ තුළ, සිසුන්ට වෘත්තීය පුහුණු ආයතනයක සහ සේවා ස්ථානයක පුහුණුව ලබා ගත හැකිය.

ඒ අනුව, සංචාරක හා ආගන්තුක සත්කාර, මෝටර් රථ / වාහන තාක්ෂණය, තොරතුරු තාක්ෂණය, සෞඛ්‍ය හා සත්කාර සේවා, මැණික් හා ස්වර්ණාභරණ තාක්ෂණය, රූපලාවන්‍ය සංස්කෘතිය, කලා හා අත්කම්, ආහාර නිෂ්පාදනය, ඇඟලුම් අධ්‍යයන, විදුලි හා ඉලෙක්ට්‍රොනික තාක්ෂණය, ලෝහ සැකසුම්, වෙල්ඩින්, යන්ත්‍ර ක්‍රියාකාරිත්වය, ඉදිකිරීම් කර්මාන්තය, අභ්‍යන්තර අලංකරණය, භූමි අලංකරණය, කෘෂිකර්මාන්තය සහ වැවිලි කර්මාන්තය, ජලජ සම්පත් තාක්ෂණය, ක්‍රීඩා, ජීවිතාරක්ෂක සහ කිමිදීම, විකුණුම් සහ සැපයුම් යනාදී ක්ෂේත්‍ර ගණනාවක පුහුණුව සඳහා සිසුන්ට අවස්ථා ලැබෙනු ඇත.

මගේ ජීවිතේ වෙන්න ඕන ඔක්කොම මට වුණා බනින හැමෝටම මම මෙතනින් යද්දී උත්තරයක් දීලා යන්නම් චන්දිමාල් සංවේදී වෙයි

මෙම පුහුණුව සාර්ථකව නිම කර පාසල් අධ්‍යාපනය සම්පූර්ණ කරන සිසුන්ට NVQ 4 සහතිකය ලබා ගත හැකි අතර, එමඟින් සිසුන්ට රැකියා, උසස් වෘත්තීය අධ්‍යාපන අවස්ථා සහ ව්‍යවසායකත්වයට ප්‍රවේශ විය හැකිය.

සාමාන්‍ය පෙළ විභාගය සමත් වුවද අසමත් වුවද, සිසුන්ට වසර දහතුනක අධ්‍යාපනය සහතික කිරීමේ අරමුණින් අධ්‍යාපන, උසස් අධ්‍යාපන සහ වෘත්තීය අධ්‍යාපන අමාත්‍යාංශය විසින් මෙම විෂය ධාරාව ක්‍රියාත්මක කරනු ලැබේ. 

ගුරුවරුන් ගැන කියලා ජනපතිට දිලිත්ගෙන් කුණු බැණුම්