හිටපු ජනාධිපතිවරයෙක් අවාසනාවන්ත ලෙස ජීවිතක්ෂයට..

පේරු රාජ්‍යයේ හිටපු ජනාධිපති Alberto Fujimori ජීවිතක්ෂයට පත්වී ඇත. ජීවිතක්ෂයට පත්වන විට ඔහුගේ වයස අවුරුදු 86ක් වේ.

ඔහු 1990 සිට 2000 වසර දක්වා පේරු රාජ්‍යය පාලනය කළ අතර එම කාලයේදී මානව හිමිකම් උල්ලංඝණය කිරීම් සහ වංචා දූෂණ සම්බන්ධයෙන් ඔහුට එරෙහිව චෝදනා තිබේ.

අනතුරුව 2005 වසරේදී ඔහුව චිලි රාජ්‍යයේ දී අත්අඩංගුවට ගත් අතර ඔහුට එරෙහිව නඩු විභාගයක් පවත්වා වසර 25කට බන්ධනාගාර ගත කිරීමට නියෝග කළ අතර ඒ අනුව පසුගිය දෙසැම්බර් මාසයේදී ඔහුව බන්ධනාගාරයෙන් නිදහස් කළේ වසර 15කට පසුව බවයි. “පිළිකාවක් සමඟ දිගු සටනකින් පසු, අපේ පියා ඇල්බර්ටෝ ෆුජිමෝරි සමිඳාණන් වහන්සේ හමුවීමට පිටත්ව ගොස් ඇත.

ඔහුගේ ආත්මයේ සදාකාලික විවේකය සඳහා යාච්ඤාව සඳහා අප සමඟ පැමිණෙන ලෙස අපි ඔහුට ආදරය කළ අයගෙන් ඉල්ලා සිටිමු, ”ඔහුගේ දියණිය Keiko X සමාජ මාධ්‍යයේ සටහනක් තබමින් එසේ පවසා සිටියේ ඇගේ නම සහ ඇගේ සහෝදර සහෝදරියන් තිදෙනාගේ නම්ද එකතු කරමින්.