නොසිතූ ලෙස නිදි යහනටම පැමිණි මාරයා..

දිවයිනට බලපෑ ඇති අයහපත් කාලගුණ තත්ත්වය හේතුවෙන් සිදුවූ පළමු මරණය බණ්ඩාරවෙල ප්‍රදේශයෙන් වාර්තා වනවා. පවතින වැසි සහිත කාලගුණයත් සමඟ නිවසක බැම්මක් කඩා වැටීම හේතුවෙන් කාන්තාවක් මෙලෙස මියගොස් ඇති බවයි ආපදා කළමනාකරණ මධ්‍යස්ථානය දැනුම් දෙන්නේ.

අද (26) උදෑසන 7.00ට පමණ මෙම අනතුර සිදුව ඇති අතර, මෙලෙස මියගොස් ඇත්තේ 61 හැවිරිදි වියේ පසු වූ කාන්තාවක්. මෙම අනතුරින් තවත් අයෙක් තුවාල ලබා රෝහල් ගතකර ඇති බවයි තොරතුරු වාර්තා වුණේ.

උදෑසන නිවසේ නිදා සිටි අවස්ථාවේ පැති බැම්මක් නිවස මතට කඩා වැටීමෙන් මෙම අනතුර සිදුව ඇති බව බණ්ඩාරවෙල පොලිසිය සඳහන් කළා.

උඩරට මාර්ගයේ දුම්රිය ධාවනය පිළිබද දැනුම්දීමක්..

මිය ගිය කාන්තාව මළ සිරුර බණ්ඩාරවෙල රෝහලේ මේ වනවිට තැන්පත්කර තිබෙනවා.

මේ අතර පවතින අයහපත් කාළගුණ තත්ත්වය හේතුවෙන් බදුල්ල දිස්ත්‍රික්කයේ මාර්ග කිහිපයක්ම අවහිර වී ඇති බව බදුල්ල දිස්ත්‍රික් ආපදා කළමනාකරණ ඒකකය සඳහන් කළා.

කාලගුණ විද්‍යා දෙපාර්තමේන්තුවෙන් නිවේදනයක්..

නායයාම්, පස්කඳු කඩා වැටීම්, ගස් සහ ගල් කඩාවැටීම් හේතුවෙන් මෙම මාර්ග අවහිරව ඇති බවයි එම ඒකකය පැවසුවේ. ඒ, අනුව බදුල්ල – බණ්ඩාරවෙල මාර්ගයේ උඩුවර කිරිමණ්ඩලය අසල, හපුතලේ – බෙරගල මාර්ගය, බදුල්ල – පස්සර මාර්ගයේ තුනේ කණුව, බදුල්ල – ස්ප්‍රිංවැලි මාර්ගය, බදුල්ල – පස්සර මාර්ගයේ හතේ කණුව, බිබිල – ලුණුගල මාර්ගයේ අරවාකුඹුර යන ස්ථානවලින් මාර්ග අවහිර වී තිබෙනවා.

You may like this video