රුපියල් 1500ක් වෙනුවෙන් සැරයන් වරයෙකු වැටුණු තැනක්..
Piyumika
බලපත්‍ර නොමැතිව උණ බට ප්‍රවාහනය කිරීම සහ නියමිත පන්තියට අදාල බලපත්‍රයක් නොමැතිව වාහනයක් ධාවනය කිරීම සම්බන්ධයෙන් නිත්‍යානුකූලව කටයුතු නොකර සිටීම සඳහා රුපියල් 1500 මුදලක් බලෙන් ලබාගත් බව කියන පොලිස් සැරයන් වරයෙකු අත්අඩංගුවට ගත් බව නිකවැරටිය පොලිස් අධිකාරී කාර්යාලය කියයි.
මෙසේ අත්අඩංගුවට ගෙන ඇත්තේ කොබෙයිගනේ පොලිස් ස්ථානයට අනුයුක්තව රාජකාරී කළ පොලිස් සැරයන් වරයෙකි.ලොරි රථ රියදුරකු විසින් කරන ලද පැමිණිල්ලකට අනුව පොලිස් සැරයන් වරයා අත්අඩංගුවට ගෙන ඇත.
මෙම පොලිස් සැරයන්වරයා විතිකුලිය මාර්ගයේ මාර්ග බාධක රාජකාරියේ යෙදී සිටින අවස්ථාවේදී ඊයේ(10) ලොරි රථයක් පරීක්ෂා කිරීමේදී එම රියදුරුට නියමිත පන්තියට අදාළ රියදුරු බලපතක් නොතිබීම සහ උණ බට ප්‍රවාහනය කිරීම සඳහා නියමිත බලපතක් තිබී නොමැති බව පොලිසිය පවසයි.
එම රියැදුරුට නීතියෙන් කටයුතු නොකර සිටීම සඳහා රුපියල් 1500ක මුදලක් පොලිස් සැරයන්වරයා විසින් බලෙන් ලබාගෙන ඇති බව විමර්ශනවලදී අනාවරණය වී ඇත.
