IMF වෙතින් ආපු ඩොලර් මිලියන 695ක මුදල භාණ්ඩාගාරයට බැර වෙයි

ජාත්‍යන්තර මූල්‍ය අරමුදල යටතේ ක්‍රියාත්මක වන විස්තීර්ණ ණය පහසුකම් (Extended Fund Facility - EFF) වැඩසටහනේ 5වන සහ 6වන සමාලෝචන සාර්ථකව අවසන් කිරීමෙන් අනතුරුව ශ්‍රී ලංකාවට අමෙරිකානු ඩොලර් මිලියන 695ක මුදලක් නිදහස් කර ඇති බව වාර්තා වේ.

මෙම මුදල ශ්‍රී ලංකා භාණ්ඩාගාරයට මේ වන විටත් බැර කර ඇති අතර, එය රටේ මූල්‍ය ස්ථායිතාව තවදුරටත් ශක්තිමත් කිරීම, විදේශ විනිමය සංචිත වර්ධනය සහ ආර්ථික ප්‍රතිසංස්කරණ ක්‍රියාවලියට සහාය වීම සඳහා භාවිත කෙරෙනු ඇත.

ගෝලීය බලශක්ති වෙළෙඳපොළ උඩුයටිකුරු වෙයි - බොරතෙල් මිල ගණන් එකවරම ඉහළ ගිය හැටි

ජාත්‍යන්තර මූල්‍ය අරමුදල විස්තීර්ණ ණය පහසුකම් වැඩසටහන යටතේ ශ්‍රී ලංකාව අඛණ්ඩව ආර්ථික ප්‍රතිසංස්කරණ, රාජ්‍ය මූල්‍ය විනය තහවුරු කිරීම සහ ණය තිරසරභාවය ප්‍රවර්ධනය කිරීම සඳහා එකඟ වී ඇති අතර, එම ප්‍රතිසංස්කරණවල ප්‍රගතිය මත පදනම්ව වාරික වශයෙන් මුදල් නිදහස් කිරීම සිදු කෙරේ.

මෙම නව වාරිකය නිදහස් වීමත් සමඟ රජයේ මූල්‍ය කළමනාකරණය ශක්තිමත් කිරීමටත්, විදේශ ණය වගකීම් සපුරාලීමටත්, ආර්ථික ස්ථාවරතාව පවත්වා ගැනීමටත් වැදගත් සහායක් ලැබෙනු ඇතැයි ආර්ථික විශේෂඥයෝ පෙන්වා දෙති.

ඉදිරියේදී ජාත්‍යන්තර මූල්‍ය අරමුදල වැඩසටහනේ ඉතිරි සමාලෝචන සාර්ථකව ඉටු කිරීම මඟින් තවත් වාරික මුදල් ලබාගැනීමට ශ්‍රී ලංකාවට හැකියාව ලැබෙනු ඇති බවද වාර්තා වේ.

අද දවසේ ග්‍රහ මාරුවෙන් ලග්න කිහිපයකට බලාපොරොත්තු නොවූ අනතුරු ඇඟවීම්