හිරේ ඉන්න පිල්ලෙයාන්ට රනිල් කෝල් ගත්ත හේතුව මෙන්න!

හිටපු ජනාධිපති රනිල් වික්‍රමසිංහ, අත්අඩංගුවේ සිටින හිටපු පාර්ලිමේන්තු මන්ත්‍රී සිවනේසතුරෙයි චන්ද්‍රකාන්තන්ට දුරකතන ඇමතුමක් ලබාදීමට උත්සාහ කළේ ඔහුට එල්ල වී ඇති චෝදනා දැන ගැනීමට බව ඔහුගේ කාර්යාලය පවසයි.

එම ඇමතුම සඳහා නියමිත ක්‍රමවේදය අනුගමනය කළ බව රනිල් වික්‍රමසිංහගේ කාර්යාලය නිවේදනයක් මගින් සඳහන් කරයි.

චන්ද්‍රකාන්තන් පොලිස් අත්අඩංගුවේ බව ඔහුගේ කාර්යාලය හිටපු ජනාධිපතිවරයාට දැනුම් දී තිබුණත්, චෝදනා පිළිබඳ තොරතුරු නොදැන සිටි බවත්, එම තොරතුරු ලබා ගැනීමට චන්ද්‍රකාන්තන්ගේ පාර්ශ්වය රනිල්ගේ සහාය ඉල්ලා තිබූ බවත් කාර්යාලය පවසයි.

සරසවි සිසුවාගේ මරණය ගැන විශ්වවිද්‍යාලීය ආචාර්ය සමිති සම්මේලනය කියන කතාව

චන්ද්‍රකාන්තන්ගේ ආරක්ෂක අංශය, රහස් පොලිසියේ සී.අයි.ඩී. හරහා සම්බන්ධතා ඇතිකර ගත හැකි බව දැනුම් දී ඇති අතර, ඒ අනුව රනිල් වික්‍රමසිංහ තම ආරක්ෂක නිලධාරියාට සුදුසු නිලධාරියාගෙන් අවස්ථාවක් ඉල්ලන ලෙස උපදෙස් දී ඇත.

පොලිසියට දුරකතන ඇමතුමක් ලබා ගැනීමට හිටපු ජනාධිපතිවරයාට අවශ්‍ය විට, එය පොලිස් ආරක්ෂක තොරතුරු අංශය හරහා සිදු කිරීම සිරිත බවත්, අත්අඩංගුවේ සිටින පුද්ගලයෙකු සමග කතා කිරීමට ඇමතුමට අවසර ඇත්දැයි තහවුරු කිරීම පළමුව සිදු කරන බවත් කාර්යාලය පවසයි. මෙම අවස්ථාවේදී රනිල්ගේ ආරක්ෂක අංශය රහස් පොලිස් නිලධාරියාට ඇමතුමක් ලබා දුන් අතර, ඔහු සී.අයි.ඩී. අධ්‍යක්ෂවරයාගෙන් උපදෙස් ලබා ගැනීමට අවශ්‍ය බව දැනුම් දී ඇත.

සී.අයි.ඩී. අධ්‍යක්ෂවරයා, අඛණ්ඩ විමර්ශනයක් හේතුවෙන් ඇමතුම සම්බන්ධ කළ නොහැකි බව රනිල්ගේ ආරක්ෂක අංශයට දැනුම් දී ඇත.

ජීවිත තර්ජනයක් ද? - ජනපති නගින වේදිකාව ෆොටෝ ගත් අයෙක් අත්අඩංගුවට!

මෙම උත්සාහය හේතුවෙන් රනිල්ගේ පෞද්ගලික ආරක්ෂක නිලධාරියාට ස්ථාන මාරුවීමක් ලබා දී ඇති බව පොලිස් නිවේදනයක සඳහන් වන බවත්, ආරක්ෂක නිලධාරියෙකු මාරු කිරීමට පෙර අදාළ ප්‍රභූවරයාට කල්තියා දැනුම් දීම සිරිත බවත් එම කාර්යාලය පවසයි.