සුළං සමග වැසි තත්ත්වයේ වැඩි වීමක්.. කාලගුණයෙන් අනාවැකියක්..

කාලගුණ විද්‍යා දෙපාර්තමේන්තුව විසින් අද (04) උදෑසන නිකුත්කරන ලද කාලගුණ අනාවැකිය අනුව සබරගමුව පළාතෙත් මහනුවර සහ නුවරඑළිය දිස්ත්‍රික්කවලත් විටින් විට වැසි ඇති විය හැකි බව දන්වා තිබෙනවා.

එමෙන්ම බස්නාහිර සහ වයඹ පළාත්වලත් ගාල්ල, මාතර සහ මාතලේ දිස්ත්‍රික්කවලත් වැසි වාර කිහිපයක් ඇති විය හැකි බවයි එමගින් දැනුම්දී ඇත්තේ.

අද ඔබ ප්‍රවේශම් සහගතව සහ ඉවසිලිවන්තව වැඩ කරන්න..විශේෂයෙන් මේ ලග්න වල අයටයි..

මේ අනුව,නැගෙනහිර සහ ඌව පළාත්වල සවස් කාලයේ හෝ රාත්‍රී කාලයේ ස්ථාන ස්වල්පයක වැසි හෝ ගිගුරුම් සහිත වැසි ඇතිවිය හැකි බවත් එම නිවේදනයේ දක්වා තිබෙනවා.

කාලගුණ විද්‍යා දෙපාර්තමේන්තුව මගින් එම නිවේදනයේ වැඩිදුරටත් දන්වා ඇත්තේ, මධ්‍යම කඳුකරයේ බටහිර බැවුම් ප්‍රදේශවල විටින් විට හමන පැ.කි.මී. 50 ක පමණ තද සුළං ඇතිවිය හැකි අතර, දිවයිනේ සෙසු ප්‍රදේශවල විටින් විට හමන පැ.කි.මී. 30-40 ක පමණ තරමක තද සුළං ඇතිවිය හැකි බවයි.