කැලණි ගඟේ වේල්ල කැඩෙන බවට සමාජ මාධ්‍යවල පැතිරෙන පුවත් අසත්‍යයි

වික්ටෝරියා වේල්ල සහ කැලණි ගඟේ දකුණු ඉවුරේ ගංවතුර ආරක්ෂණ වේල්ල කැඩී යන බවට සමාජ මාධ්‍ය හරහා ප්‍රචාර වන පුවත් අසත්‍ය බව අදාළ අංශ දැනුම් දී තිබේ.

වික්ටෝරියා වේල්ල කැඩීයාමේ අවධානමක් ඇති බවට මේ වනවිට ප්‍රචාරය වන පුවත් අසත්‍ය බව වික්ටෝරියා බලාගාරයේ ප්‍රධාන ඉංජිනේරු ජී.ඩී.අයි. ශාන්ත මහතා පවසයි.  

“කැලණි ගඟේ ගංවතුර වේල්ලේ කිසිදු අනාරක්ෂිත තත්ත්වයක් නොමැත. එය ස්ථායීව පවතින අතර, කැඩී යාමේ කිසිදු අවදානමක් නැහැ”

යනුවෙන් අධ්‍යක්ෂ ජනරාල්වරයා වැඩිදුරටත් අවධාරණය කළේය.  

වර්තමාන තද වැසි හමුවේ කැලණි ගඟේ ජල මට්ටම ඉහළ ගොස් ඇති නිසා ඇතැමුන් විසින් බිය ඇති කරමින් මෙවැනි අසත්‍ය පුවත් හුවමාරු කරගෙන යන බවත්, එය ජනතාව අනවශ්‍ය ලෙස කලබල කිරීමක් බවත් වාරිමාර්ග දෙපාර්තමේන්තුව සඳහන් කරයි.