දේශීය ආදායම් දෙපාර්තමේන්තුවෙන් විශේෂ දැනුම්දීමක් - ඔක්තෝබර් 01වනදා සිට අනිවාර්‍යෙන්

සංශෝධිත එකතු කළ අගය මත බදු හෙවත් වැට් ඉන්වොයිස් ආකෘතිය ඔක්තෝබර් 01වනදා සිට අනිවාර්යයෙන් ක්‍රියාත්මක කරන බව දේශීය ආදායම් දෙපාර්තමේන්තුව පවසයි.

එම දෙපාර්තමේන්තුව විසින් ඊට අදාල අති විශේෂ ගැසට් පත්‍රය ද නිකුත් කර ඇති බව සදහන්ය.

  ඒ වගේම අදාළ ඉන්වොයිස් ආකෘතිය නිකුත් කිරීම ජුලි මස 01වනදා සිට ක්‍රියාත්මක කිරීමට නියමිතව තිබුණ ද ව්‍යාපාරික ප්‍රජාවට සහ බදු ගෙවන්නන්ට පද්ධති සූදානම් කර ගැනීමට සහන කාලයක් ලබා දීමේ අරමුණින් මෙම පියවර ගෙන තිබේ.

ඩිජිටල් බදු එකතු කිරීමේ ක්‍රියාවලිය විධිමත් කිරීම සහ බදු ජාලයේ විනිවිද භාවය ඉහළ නැංවීමේ අරමුණින් පසුගිය මාර්තු 27 වන දින මෙම නව ඉන්වොයිස් ආකෘතිය ප්‍රකාශයට පත් කරනු ලැබ ඇත.

රටම හැඩවූ වත්තේගමදී 3 හැවිරිදි සිඟිත්තියට කළ අමානුෂික වධහිංසාව - පියා හඬාවැටෙමින් සමාජ මාධ්‍ය හමුවේ සැබෑ කතාව හෙළි කරයි

දේශීය ආදායම් දෙපාර්තමේන්තුව සඳහන් කර ඇත්තේ කෙසේවෙතත් මේ සදහා ආයතනික මට්ටමින් මෘදුකාංග පද්ධති යාවත්කාලීන කර ගැනීමට අවශ්‍ය බවට ව්‍යාපාරිකයින් විසින් ඉල්ලීම් සිදුකර තිබු බවයි .

එම ඉල්ලීම් සළකා බලා ඔක්තෝබර් 01 වනදින සිට ක්‍රියාත්මක වන පරිදි නියමිත පිරිවිතරයන්ට අනුකූලව සිය ගිණුම්කරන සහ බිල්පත් පද්ධති සකස් කර ගන්නා ලෙස අදාළ ව්‍යාපාරිකයින්ට දැනුම් දී ඇත.

ව්‍යාජ ඉන්වොයිස් භාවිතය වැළැක්වීම, ගනුදෙනු පිළිබඳ ව නිසි කාලයට නිරීක්ෂණය කිරීමේ හැකියාව සහ බදු කාන්දු වීම අවම කිරීම මෙහි අරමුණ වන බවට පත්ව තිබෙන බව දේශීය ආදායම් දෙපාර්තමේන්තුව වැඩිදුරටත් සදහන් කර තිබේ