මාව විනාශ කරන්න රජයෙන් මෙහෙයුමක් යනවා මගේ කට වස්සන්න හදන්නේ

හිටපු පළාත් සභා මන්ත්‍රී වරුණ රාජපක්ෂ මහතා පවසා ඇත්තේ තමන්ව විනාශ කිරීම සඳහා පැලවත්තෙන් සෘජු නියෝගයක් ලැබී ඇති බවත්, එම නියෝගය ක්‍රියාත්මක කිරීමට රාජ්‍ය සම්පත් භාවිතා කරමින් සංවිධානාත්මක මෙහෙයුමක් ක්‍රියාත්මක වන බවත්ය.

මෙම තීරණය පැලවත්තේ තීරණයක් බව දැනුවත්ව එය ක්‍රියාත්මක කරන පිරිසක් මෙන්ම නොදැනුවත්ව ක්‍රියාමාර්ග ගෙන යන පිරිසක් ද සිටින බව ඔහු වැඩිදුරටත් පෙන්වා දෙයි.

ෆොන්සේකාට හා රන්ජන්ට රජයේ ලොකු තනතුරු ?

ඔහුගේ චෝදනාවලට අනුව, මෙම මෙහෙයුම සඳහා රාජ්‍ය සම්පත් භාවිතා කරමින්, රටේ බදු මුදල් වියදම් කරමින් පවත්වාගෙන යන ජනාධිපති මාධ්‍ය ඒකකය මඟින් පස් දෙනෙකුගෙන් unit එකක් නිර්මාණය කර තිබේ. මෙම ඒකකය වරුණ රාජපක්ෂ මහතාට අඛණ්ඩව පහර දීම සඳහා යොදවන බවත් පවසා ඇත. ඔහු සඳහන් කරන්නේ, තමන් වම අතහැර දකුණේ දේශපාලනයේ, එනම් සමාජ වෙළඳපොල ආර්ථිකයක් වෙනුවෙන් සහ ලිබරල් පරමාදර්ශ වෙනුවෙන් පෙනී සිටින බවයි.

ඔහු රනිල් වික්‍රමසිංහ මහතා ඉතා අගය කරන නායකයෙකු බවත්, ඔහුගෙන් දකුණේ දේශපාලනය ගැන බොහෝ දේ ඉගෙන ගත් බවත්, නමුත් වැරදි දේශපාලන තීරණයක් නිසා තමන් එජාපයෙන් ඉවත් වූ බවත් (දැනට සජබයේ සිටින බවත්) ඔහු විවෘතව ප්‍රකාශ කර තිබේ. වරුණ රාජපක්ෂ මහතා වැඩිදුරටත් කියා සිටින්නේ, තමන් රජයෙන් ප්‍රතිපත්තිමය ගැටලු පිළිබඳව ප්‍රශ්න කරන විට, ඊට පිළිතුරු දෙනවා වෙනුවට ආණ්ඩුව පෞද්ගලික පහරදීම්වලට යොමුවන බවයි. ඔහු ආණ්ඩුවෙන් අසන ලද ප්‍රශ්න අතර පහත කරුණු ප්‍රධානය.

ලසන්තට වෙඩි තිබ්බේ මාලිමා ආණ්ඩුවෙන්ද? මට සැකයි

• ඉන්දියාව සමඟ අත්සන් කර ඇති ගිවිසුම් සහ සම්බන්ධතා සැලසුම් (Connectivity plans).

• ලංකාවේ මුහුදු සීමාවේ කෙළවරේ ඇති ඉතා වටිනා ඛනිජ සම්පතක් වන කොබෝල්ට් (Cobalt) ඇතුළත් කරමින් ඉන්දියාවේ භූවිද්‍යා ආයතනයක් සමඟ අත්සන් කර ඇති ගිවිසුම් මොනවාද යන්න.

• ලිට්‍රෝ ගෑස් සහ ලාෆ්ස් ගෑස් පර්යන්ත භාවිතය සම්බන්ධයෙන් ටෙන්ඩර් කොන්දේසි වෙනස් කිරීම.

• ගල් අඟුරු ටෙන්ඩර්වල කොන්දේසි වෙනස් කිරීම.

• අල්ලස් කොමිසමේ අධ්‍යක්ෂ ජනරාල්වරයා පත් කිරීමේ ක්‍රමවේදය.

• කිංස්බරි ගනුදෙනුව ගැන සහ රාජ්‍ය ක්‍රියාවලියෙන් පිටතදී ගනුදෙනු කතා කිරීම.

මෙම ප්‍රශ්නවලට පිළිතුරු දෙනවා වෙනුවට, “ඔයා කී පක්ෂවල හිටියද”, “ඔයා හොරෙක් නේද” හෝ “ඔයාට කඩයක්වත් කරගන්න පුළුවන්ද” වැනි පෞද්ගලික චෝදනා එල්ල කරන බව ඔහු පවසයි.

රාජපක්ෂ මහතා වැඩිදුරටත් අවධාරණය කරන්නේ, තමන්ට එල්ල කරන ඕනෑම චෝදනාවක්ම තමන්ගේ ගමන සාර්ථකත්වය වෙනුවෙන් යොදා ගන්නා බවත්, එබැවින් විවේචකයන් ඔවුන්ගේ කාලය තමන් වෙනුවෙන් යොදවනවාට වඩා, ඔවුන්ගේම ජීවිතය වෙනුවෙන් යොදවන ලෙසත් ඔහු ඉල්ලා සිටියි.