උඩුදුවපු භාණ්ඩාගාර කොල්ලයේ පරිගණක ගැන විශේෂ නියෝගයක්

ඕස්ට්‍රේලියාවේ අපනයන ණය සපයන ආයතනයක් වෙත පියවීමට නියමිතව තිබූ, ශ්‍රී ලංකා රජයට අයත් අමෙරිකානු ඩොලර් මිලියන 2.5ක ණය මුදලක් අන්තර්ජාල කොල්ලකරුවන් පිරිසක් ඊමේල් පද්ධතිවල ආරක්ෂාව බිඳදමමින් ව්‍යාජ ආකාරයට වෙනත් ගිණුම් වෙත බැර කරගෙන සිදුකර ඇති වංචාව සම්බන්ධයෙන් කොටුව මහේස්ත්‍රාත් අධිකරණය විසින් විශේෂ නියෝගයක් ප්‍රකාශයට පත් කර තිබෙනවා.

ඒ අනුව එම නියෝගයට අනුව, මෙම ක්‍රියාව වෙනුවෙන් භාවිත කළ සියලුම පරිගණක, සේවාදායක ජාල (Servers) සහ අනෙකුත් ඉලෙක්ට්‍රොනික මෙවලම් කඩිනමින් විධිමත් විමර්ශනයකට ලක් කළ යුතු බව සඳහන්.

ලංකාවේ රාජ්‍ය සහ පෞද්ගලික අංශයට නැවතත් ‘නිවසේ සිට වැඩ කිරීමේ’ ක්‍රමයක්

එසේම කොටුව මහේස්ත්‍රාත්වරයා විසින් රජයේ රස පරීක්ෂකවරයා වෙත මෙසේ නියෝග කර ඇත්තේ, එම තාක්ෂණික පරීක්ෂණවලින් අනාවරණය වන සියලු කරුණු ඇතුළත් සවිස්තරාත්මක වාර්තාවක් ප්‍රමාදයකින් තොරව අධිකරණයට භාර දෙන ලෙසයි.

ඒ අනුව මේ වන විට ශ්‍රී ලංකා පරිගණක හදිසි ප්‍රතිචාර සංසදයේ (SLCERT) සහ අපරාධ පරීක්ෂණ දෙපාර්තමේන්තුවේ (CID) නිලධාරීන් එක්ව මේ පිළිබඳව ගැඹුරු විමර්ශන පවත්වාගෙන යන බව වාර්තා වේ.

මින් පෙර එම සිදුවීමට අදාළව මුදල් අමාත්‍යාංශය විසින් මීට පෙර මහ භාණ්ඩාගාරයේ ඉහළ කළමනාකාරීත්වයේ නිලධාරීන් කිහිපදෙනෙකුගේ සේවය අත්හිටුවීමට ද කටයුතු කර තිබුණා.

රන් බඩු උකස් තබා ණය ගන්න ඉන්න අයට මහ බැංකුවෙන් අද සිට දැඩි සීමාවන්

බැරලය ඩොලර් 69 සිට 114 දක්වා පනියි - පෙට්‍රල් සහ ඩීසල් මිල අද සිට නැවතත් වෙනස් වෙයි