දිට්වා නිසා ළමුන් 275,000කට වැඩි පිරිසක් අසරණ වෙයි

දිට්වා සුළි කුණාටුවේ බලපෑමෙන් ළමුන් 275,000කට වැඩි පිරිසක් පීඩාවට පත්ව සිටින බව යුනිසෙෆ් සංවිධානය සඳහන් කරයි.

ඒ අනුව යුනිසෙෆ් සංවිධානයේ ශ්‍රී ලංකා නියෝජිත එමා බ්‍රිගම් මහත්මිය සුළි කුණාටුවෙන් දරුවන්ට සිදුව ඇති හානිය පිළිබඳ දැඩි කණස්සල්ල පළ කරන බව දන්වයි.

එසේම යුනිසෙෆ් සංවිධානය ශ්‍රී ලංකා රජය සමඟ එක්ව ළමුන්ට අවශ්‍ය හදිසි උපකාර සේවා සහ ජීවිතාරක්ෂක සේවා සඳහා අවශ්‍ය පියවර ගනිමින් සිටින බව පෙන්වා දෙයි.

මේ අතර දැඩිලෙස පීඩාවට පත් දිස්ත්‍රික්කවල සිටින දරුවන් වෙනුවෙන් හදිසි අධ්‍යාපන කට්ටල ලබා දීමට ද බලාපොරොත්තු වන බව යුනිසෙෆ් සංවිධානය දන්වා ඇත.

ආපදා නිසා තවත් නරක ආරංචියක්

රටම බය වුණ ඊළඟ සුළි කුණාටුව ගැන විශේෂ නිවේදනයක්

නරක ආරංචියක් මරණ ගණන ඉහලට