ආපදා නිසා තවත් නරක ආරංචියක්

අත්‍යවශ්‍ය සේවා කොමසාරිස් ජනරාල් බී.කේ. ප්‍රභාත් චන්ද්‍රකීර්ති ප්‍රකාශ කළේ මෑත කාලීන සුළි කුණාටුවෙන් සිදු වූ හානියකින් පසුව මෙරට සමස්ත දුම්රිය මාර්ග පද්ධතියෙන් සියයට 30ක් එනම් කි.මී. 1,593න් කි.මී. 478ක් පමණක් භාවිතයට ගත හැකි බවයි.

එසේම ඔහු පෙන්වා දෙන්නේ ඉකුත් දිනවල දිවයිනට බලපෑ සුළි කුණාටුව නිසා ප්‍රවාහනය, කෘෂිකර්මය, විදුලි සැපයුම සහ විදුලි සංදේශ සේවාවන් ඇතුළු අංශ ගණනාවකට බරපතළ ලෙස හානි සිදුව ඇති බවයි.

එමෙන්ම වැව් 1,777ක්, වේලි 483ක්, ඇළ මාර්ග 1,936ක් සහ කෘෂිකාර්මික මාර්ග 328කට හානි සිදුවී ඇති බව සඳහන්.

ගොවිබිම් අක්කර 137,265ක් සහ කුඩා වාරිමාර්ග මාර්ග 305ක් පමණ විනාශ වී ඇති බවටද වාර්තා වේ.

මේ අතර මාර්ග සංවර්ධන අධිකාරිය මඟින් අවහිර වී තිබූ මාර්ග 246ක් යළි විවෘත කර ඇතත්, දිවයින පුරා පාලම් 22ක් සම්පූර්ණයෙන්ම විනාශ වී ඇත.

දිට්වා සුළි කුණාටුව නිසා ලංකාවට තවත් ප්‍රශ්නයක්

එබැවින් ඌව පළාතේ පාලම් හයක්, උතුරු සහ වයඹ පළාත්වල පාලම් හතර බැගින්, බස්නාහිර පළාතේ පාලම් තුනක්, මධ්‍යම සහ නැගෙනහිර පළාත්වල පාලම් දෙක බැගින් සහ උතුරු මැද පළාතේ පාලමක් විනාශ වී ඇති බව සඳහන්.

තවද විදුලි සම්බන්ධතා යථා තත්ත්වයට පත්වීම සියයට 91ක් වන නමුත්, නුවරඑළිය දිස්ත්‍රික්කයේ ප්‍රතිසංස්කරණ කටයුතු තවමත් සිදුවෙමින් පවතින බව ද පවසයි. බාධා එල්ල වූ විදුලි උපපොළවල් 16,178න් 11,315ක් යළි සක්‍රිය කිරීමෙන් අනතුරුව බලපෑමට ලක් වූ සම්බන්ධතා 3,531,841න් සියයට 72ක් වන පාරිභෝගිකයින් 2,526,264කට විදුලි සැපයුම යථා තත්ත්වයට පත් කර ඇත.

සෞඛ්‍ය අමාත්‍යාංශය මඟින් බලපෑමට ලක් වූ ප්‍රදේශවල රෝගීන් අතපසු කර ගත් සායන, ප්‍රතිකාර සැසි සහ වෛද්‍ය පරීක්ෂණ සඳහා තත්ත්වය යහපත් වූ පසු ප්‍රමුඛතාව ලබා දෙමින් නව කාලසටහන් සකස් කිරීමට රෝහල්වලට උපදෙස් දී ඇති බව ද වාර්තා වේ.

නරක ආරංචියක් මරණ ගණන ඉහලට

මේ අතර මාර්ග ප්‍රවේශය කපා හැර ඇති අරණායක ප්‍රදේශයේ ජනතාව වෙත ගුවන් මඟින් වියළි ආහාර ද්‍රව්‍ය බෙදා හැරීමට කටයුතු කර ඇති අතර, එම ප්‍රදේශයේ වෛද්‍ය කණ්ඩායම් සඳහා අතිරේක සහාය ලබා දී තිබෙන බව සඳහන්.

ඊට අමතරව ජාතික ගොඩනැගිලි පර්යේෂණ ආයතනය සමඟ එක්ව ගෙවල් සහ ගොඩනැගිලිවල ස්ථායිතාව තක්සේරු කිරීමට ජල සම්පාදන හා ජලාපවහන මණ්ඩලය, ජල සම්පත් මණ්ඩලය, භූ විද්‍යා සමීක්ෂණ හා පතල් කාර්යාංශය, වාරිමාර්ග දෙපාර්තමේන්තුව, මධ්‍යම ඉංජිනේරු උපදේශක කාර්යාංශය සහ පේරාදෙණිය විශ්වවිද්‍යාලයේ තාක්ෂණික විශේෂඥයින් කටයුතු කරමින් සිටියි.

එමෙන්ම කොමසාරිස් ජනරාල් චන්ද්‍රකීර්ති වැඩිදුරටත් සඳහන් කර ඇත්තේ සංවර්ධන හවුල්කරුවන්ගෙන් සහාය ලබා ගැනීම සඳහා "දේශගුණයට ප්‍රතිචාර දක්වන ප්‍රතිසාධන සහ ප්‍රතිසංස්කරණ ආයෝජන සැලැස්මක්" වහාම සකස් කරන ලෙස ජාතික සැලසුම් දෙපාර්තමේන්තුවේ අධ්‍යක්ෂ ජනරාල්වරයාට උපදෙස් දී ඇති බවයි.

ආයෙත් කොළඹ - නුවර ප්‍රධාන මාර්ගයට සීමාවක් මෙහෙනුත් වහලා