පාතාලයෝ රොත්තක් එකමිටට ඉන්දුනීසියාවේ දී මාට්ටු - මෙන්න නම් ලයින්තුව [PHOTOS]

ශ්‍රී ලංකාවේ ප්‍රධාන පෙළේ අපරාධ කල්ලි සාමාජිකයන් පස්දෙනෙකු සහ කාන්තාවක ඉන්දුනීසියාවේ ජකර්තා නගරයේදී එරට ආරක්ෂක අංශ විසින් අත්අඩංගුවට ගෙන ඇති බව පොලිසිය පවසයි.

අත්අඩංගුවට ගත් පිරිස අතර කෙහෙල්බද්දර පද්මේ, කමාන්ඩෝ සලින්ත, පානදුරේ නිලංග, බැකෝ සමන් සහ තැඹිලි ළහිරු යන අන්වර්ථ නාමයන්ගෙන් හඳුන්වන අපරාධ කල්ලි සාමාජිකයන් සිටින බව පොලිස් මාධ්‍ය ප්‍රකාශක, සහකාර පොලිස් අධිකාරී එෆ්. යූ. වුට්ලර් මහතා සඳහන් කළේය. ඊට අමතරව, බැකෝ සමන් නමැත්තාගේ බිරිඳ සහ ඔවුන්ගේ තුන් හැවිරිදි දරුවෙකු ද මෙම පිරිස අතර සිටින බව වාර්තා වේ.

කෙහෙල්බද්දර පද්මේ ඇතුළු පාතාල කල්ලි සාමාජිකයින් 6ක් අත්අඩංගුවට

මෙම අත්අඩංගුව 2025 අගෝස්තු 27 වැනිදා ශ්‍රී ලංකා පොලිසියේ අපරාධ පරීක්ෂණ දෙපාර්තමේන්තුවේ (CID) විශේෂ කණ්ඩායමක් සහ ඉන්දුනීසියාවේ ජකර්තා පොලිසිය ඒකාබද්ධව සිදුකළ මෙහෙයුමකදී සිදුකර ඇත. මෙම මෙහෙයුමට ජාත්‍යන්තර පොලිස් සංවිධානය (Interpol) හි සහාය ද හිමිව තිබේ.

අත්අඩංගුවට ගත් කෙහෙල්බද්දර පද්මේ හා කමාන්ඩෝ සලින්ත යන දෙදෙනා 2025 පෙබරවාරි මාසයේදී කොළඹ අළුත්කඩේ මහේස්ත්‍රාත් අධිකරණය තුළ "ගනේමුල්ල සංජීව" නමැති ප්‍රධාන පෙළේ තවත් අපරාධ කල්ලි නායකයකු ඝාතනය කිරීමට උපදෙස් දුන් බවට චෝදනා එල්ල වී ඇත. එම ඝාතනය නීතිඥවරයකු ලෙස වෙස්වළා ගත් තුවක්කුකරුවකු විසින් සිදුකර ඇති බව වාර්තා වේ.

නඩු 14ක් තියෙනවා - පුළුවන් නම් අත්අඩංගුවට ගන්න කියලා මහින්දගෙන් අභියෝග

අත්අඩංගුවට ගත් සැකකරුවන් ශ්‍රී ලංකාවට රැගෙන ඒම සඳහා ඉන්දුනීසියාවේ ආරක්ෂක අංශ සමඟ සහයෝගයෙන් කටයුතු සිදුකරමින් පවතින බව පොලිසිය සඳහන් කළේය.

මෙම සැකකරුවන්ට එරෙහිව ශ්‍රී ලංකාවේ බරපතල අපරාධ චෝදනා රැසක් එල්ල වී ඇති අතර, ඔවුන්ගේ අත්අඩංගුව රට තුළ සංවිධානාත්මක අපරාධ මැඩලීමේ ගිනිකොන ආසියානු කලාපයේ Interpol හි සහයෝගය ඇතිව සිදුකරන මෙහෙයුම්වල තවත් සාර්ථකත්වයක් ලෙස සැලකේ.

මෙම සැකකරුවන් ශ්‍රී ලංකාවට රැගෙන එන තුරු ඉන්දුනීසියාවේ බලධාරීන්ගේ භාරයේ රඳවා තබා ඇත. CID සහ Interpol ඒකාබද්ධව මෙම සිදුවීමට අදාළ වැඩිදුර විමර්ශන සිදුකරමින් පවතී. එමෙන්ම, ශ්‍රී ලංකාවේ සංවිධානාත්මක අපරාධ කල්ලි 58ක් සහ ඒවාට සම්බන්ධ සාමාජිකයන් 1,400කට ආසන්න පිරිසක් හඳුනාගෙන ඇති බවත්, එම කල්ලිවල බොහෝ "ගෝඩ්ෆාදර්" වරුන් විදේශයන්හි සැඟවී සිටින බවත් පොලිසිය පවසයි.

මල හත්තිලව්වයි, රනිල්ට ඇප ලැබිලා ගෙදරට අඩිය තියන්න වුන් නෑ ඒ පාර තව කේස් එකක් පත්තු වෙලා, කොමිසමටත් පැමිණිල්ලක්