තවත් නම් ඉවසන්න බෑ,අපි මෙහෙම කරමු..සැමියන්ගේ බේබදු අතවර ඉවසන්න බැරිව බිරියන් සිදුකරපු දෙයක්..
Piyumika
මත්පැන්වලට ඇබ්බැහි වූ ස්වාමිපුරුෂයන් එපා වී නිවෙස් අතහැර ගිය කාන්තාවන් දෙදෙනෙක් එකිනෙකා සමඟ විවාහ වූ පුවතක් විදෙස් මාධ්‍ය වාර්තා කර තිබෙනවා.
එම වාර්තාවල දැක්වෙන්නේ කවිතා සහ ගුන්ජා නැමැති මෙම ඉන්දීය කාන්තාවන් දෙදෙනා පසුගිය බ්‍රහස්පතින්දා එකිනෙකා සමඟ යුග දිවියට එළඹ ඇති බවයි.
ඉන්දියාවේ උත්තර් ප්‍රදේශ් හි ඩියෝරියා හි පිහිටි ශිව කෝවිලේදී මෙම කාන්තාවන් දෙදෙනා යුග දිවියට පිවිස ඇති බවයි වාර්තා වුණේ.
මෙම කාන්තාවන් දෙදෙනා ඉන්ස්ටග්‍රෑම් හරහා එකිනෙක හඳුනාගෙන ඇති අතර, එම හඳුනාගැනීමෙන් පසු ඔවුන් තම පවුල් ජීවිතවල ඇති ප්‍රශ්න කතා කිරීමට පටන්ගෙන තිබෙනවා.
එහිදී ඔවුන් දෙදෙනා බීමත් සැමියන් අතින් හිංසාවට පත්වන කාන්තාවන් දෙදෙනෙන් බවට හඳුනාගෙන, එම කරදරවලින් මිදීම සඳහා සැමියන් අතහැර නිවෙස්වලින් පිටවීමට දෙදෙනාම එකඟතාවයට එළඹ ඇති බවයි වාර්තා වන්නේ.
එලෙස එකඟ වී දෙදෙනාම සැමියන් අතහැර නිවෙස්වලින් පිටව පැමිණ දෙදෙනා මෙලෙස විවාහ වී ඇති බවයි වැඩිදුරටත් තොරතුරු වාර්තා වන්නේ.
එහිදී ගුන්ජා නැමැති කාන්තාව මනමාලයාගේ භූමිකාව භාරගෙන අතර කවිතා මෙම විවාහ මංගල්‍යයේ මනාලිය ලෙස සැරසී තිබෙනවා.
විවාහ දිවියට එළඹී ඔවුන් දෙදෙනා පවසා ඇත්තේ, ස්වාමිපුරුෂයන්ගේ මත්පැන් පානය සහ අපයෝජන හැසිරීම තුළින් පීඩා විඳි බවත්, එම කටුක ජිවිතය මෙලෙස සාමයෙන් හා ප්‍රේමයෙන් පිරි ජීවිතයක් තෝරා ගැනීමට දෙදෙනාම තල්ලු කළ බවයි.
You may like this video
