අනුර සහෝදරයා ජනපති වෙලා මාස දෙකෙන් රට බංකොලොත්භාවයෙන් මුදාගත්තා.. - ඇමති වසන්ත

අමාත්‍ය වසන්ත සමරසිංහ මහතා පවසා ඇත්තේ, 2022 සිට 2024 දෙසැම්බර් දක්වා කාලය තුළ බංකොලොත්භාවයෙන් පැවති රටක් ලෙස ශ්‍රී ලංකාව විදහා පෙන්වූ බවත්, මේ වන විට රට ස්ථාවරත්වයක් කරා ගමන් කරමින් සිටින බවත්ය.

සියත රූපවාහිනී නාලිකාවේ දේශපාලන සාකච්ඡාවකට එක්වෙමින් ඔහු මෙසේ ප්‍රකාශ කළේය:

“මීට අවුරුදු එකහමාරකට කලින් බංකොලොත් වෙලා තිබුණ රටක් මේක. ඒ රට අපි මේ ස්ථාවර කරමින් යන්නේ. 2022 ඉඳන් 2024 දෙසැම්බර් වෙනකල් බංකොලොත් රටක් විදිහට නම් කරලා තිබුණේ. අපි ගන්න කොට බංකොලොත් රටක් මේක. 2024 දෙසැම්බර් බංකොලොත්භාවයෙන් නිදහස් වුණේ.”

මහින්දානන්ද හා දුමින්ද රඳවා සිටින වාට්ටුවේ හමුවුණු දේ මෙන්න..

මාධ්‍යවේදියෙකුගෙන් ඇසුණු ප්‍රශ්නයකට පිළිතුරු දෙමින් ඔහු කීවේ:

“ඒ කියන්නේ අනුර දිසානායක ජනාධිපතිතුමා රට භාරගෙන මාස දෙකෙන් බංකොලොත්භාවයෙන් මිදුණා කියන එක ප්‍රාතිහාර්යයක් නෙමෙයිද කියලාද? ඔව්, ඒක ප්‍රාතිහාර්යක් නෙමෙයි. බංකොලොත්භාවය කියන්නේ අපි ඒ වෙද්දි ණය ගෙවීම නතර කරලා තිබුණා. ණය ගෙවීම ආරම්භ කරලා, බැංකුවල රේටිංස් පටන් අරන්, එල්සී ඕපන් කරන්න බැරිව හිටි බැංකුවලට එල්සී ඕපන් කරන්න අවස්ථාව හදලා දීලා, ලෝකේ රටවල් අපේ ප්‍රධාන බැංකු ටික පිළිගන්න පටන් අරන් රටේ ස්ථාවරත්වයක් ගෙනාවා.”

අවුරුදු 22 ට අඩු සියලුම තරුණ තරුණියන්ට මේවා නොමිලේ

අමාත්‍යවරයාගේ මෙම ප්‍රකාශය මගින් වත්මන් රජයේ ආර්ථික ප්‍රතිසංස්කරණ හරහා රට බංකොලොත්භාවයෙන් මිදීමට ගත් පියවර තමන් ඉස්මතු කර ඇති අතර, එය ජනතාවට බලාපොරොත්තුවක් ලෙස දැක්වීමට උත්සාහ කර ඇති බව පෙනේ.

මේ අතර, ආර්ථික විශ්ලේෂකයන් සහ විපක්ෂයේ නියෝජිතයන් මෙම ප්‍රකාශය පිළිබඳව විවිධ අදහස් පළ කරමින් සිටින අතර, රටේ ආර්ථික තත්ත්වය තවමත් සම්පූර්ණයෙන් ස්ථාවර වී නොමැති බවට චෝදනා එල්ල වෙමින් පවතී.