යුද්ධය අවසන්- ට්‍රම්ප් නෙතන්යාහු සමග සාකච්ඡාවක්

අමෙරිකානු ජනාධිපති ඩොනල්ඩ් ට්‍රම්ප් මහතා පවසා ඇත්තේ, ඉරානය සමඟ පවතින යුද්ධය අවසන් කිරීමේ වේලාව තීරණය කිරීම ඊශ්‍රායල අග්‍රාමාත්‍ය බෙන්ජමින් නෙතන්යාහු මහතා සමඟ සාකච්ඡා කර ගනු ලබන "අන්‍යෝන්‍ය" තීරණයකට අනුව බවයි.

විදේශ මාධ්‍ය වාර්තා අනුව, 'ටයිම්ස් ඔෆ් ඊශ්‍රායල්' පුවත්පත සමඟ පැවති දුරකථන සම්මුඛ සාකච්ඡාවකදී ජනාධිපතිවරයා මේ බව සඳහන් කර තිබෙනවා. ඔහු ප්‍රකාශ කළේ, නෙතන්යාහු මහතා සමඟ නිරන්තරයෙන් සාකච්ඡා පවත්වන බවත්, යුද්ධය අවසන් කිරීම සම්බන්ධයෙන් අවසාන තීරණය "නිවැරදි වේලාවේදී" ගනු ලබන බවත්ය.

එහිදී ට්‍රම්ප් මහතා කී පරිදි, "මම හිතන්නේ ඒක ටිකක් අන්‍යෝන්‍යයි... අපි කතා කරලා තියෙනවා.

මම නිවැරදි වේලාවක තීරණය ගන්නම්, නමුත් සියල්ල සලකා බලනවා" යනුවෙන් සඳහන් කර ඇති අතර, නෙතන්යාහු මහතාගේ මතය ඇතුළත් වුවද, අවසාන තීරණය තමන් සතු බවත් ඔහු පැහැදිලි කළේය.

මෙම සම්මුඛ සාකච්ඡාව මැදපෙරදිග තත්ත්වය තීව්‍ර ලෙස උණුසුම් වී ඇති සන්දර්භයකදී සිදු වූ අතර, එහිදී ට්‍රම්ප් මහතා තවදුරටත් ප්‍රකාශ කර ඇත්තේ, තමන් හා නෙතන්යාහු මහතා එක්ව ක්‍රියා කිරීම නිසා ඉරානයේ අයතොල්ලා අලි ඛමෙනී මහතාගේ නායකත්වය යටතේ ඉරානය ඊශ්‍රායලය විනාශ කිරීමට තැත් කළ බවත්, එය වළක්වාලූ බවත්ය.

ඔහු තවදුරටත් කීවේ, "අපි එකට වැඩ කළා... අපි ඊශ්‍රායලය විනාශ කිරීමට තැත් කළ රටක් විනාශ කළා" යනුවෙනි. මෙම ප්‍රකාශයන් නිසා යුද්ධයේ අවසානය සම්බන්ධයෙන් ජාත්‍යන්තර අවධානය යොමු වී ඇති අතර, බොරතෙල් මිල ඉහළ යාම හා ගෝලීය ආර්ථික බලපෑම් සමඟ සම්බන්ධයෙන්ද සාකච්ඡා ඇති වෙමින් පවතී.

බොරතෙල් මිල වාර්තා ගත ලෙස ඉහලට

අල්-ඛර්ජ්හි මිසයිල ප්‍රහාරයෙන් ඉන්දීය ජාතිකයෙකුට තුවාල