භාණ්ඩාගාර මෙහෙයුම් අධ්‍යක්ෂ පත් කරයි

අද දින (17) කැබිනට් තීරණ දැනුම්දුන් අතර ඒ අනුව භාණ්ඩාගාර මෙහෙයුම් දෙපාර්තමේන්තුවේ අධ්‍යක්ෂ ජනරාල් තනතුරට පත් කිරීමට කැබිනට් අනුමැතිය ලැබී ඇත.

ඒ අනුව භාණ්ඩාගාර මෙහෙයුම් දෙපාර්තමේන්තුවේ අධ්‍යක්ෂ ජනරාල් තනතුරෙහි සේවය කළ ශ්‍රී ලංකා ගණකාධිකාරී සේවයේ විශේෂ ශ්‍රේණියේ නිලධාරී ඒ. එන්. හපුගල මහතා භාණ්ඩාගාර නියෝජ්‍ය ලේකම් තනතුරකට පත් කිරීම හේතුවෙන් පුරප්පාඩු වූ එකී තනතුරෙහි වැඩ බැලීම සඳහා දැනට ජාතික අයවැය අධ්‍යක්ෂ ජනරාල් ලෙස සේවය කරනු ලබන ශ්‍රී ලංකා පරිපාලන සේවයේ විශේෂ ශ්‍රේණියේ නිලධාරි ජූඩ් නිලුක්ෂාන් මහතා පත් කිරීමට 2025-10-21 දින පැවති අමාත්‍ය මණ්ඩල රැස්වීමේදී මේ වන විට අනුමැතිය ලබා දී ඇත.

ඇවන්ගාඩ් මැරිටයින් පෞද්ගලික සමාගමේ කෝටි 78ක වංචාවක් එළියට

භාණ්ඩාගාරයේ ලේකම් විසින් පත් කරනු ලැබ ඇති නියෝජ්‍ය භාණ්ඩාගාර ලේකම්වරුන් දෙදෙනෙකුගෙන් සමන්විත කමිටුවක් විසින් ඉදිරිපත් කරනු ලැබ ඇති නිර්දේශ මත පදනම්ව, භාණ්ඩාගාර මෙහෙයුම් දෙපාර්තමේන්තුවේ අධ්‍යක්ෂ ජනරාල් තනතුර සඳහා සුදුසු නිලධාරිනියක වශයෙන් දැනට රාජ්‍ය මුදල් දෙපාර්තමේන්තුවේ අතිරේක අධ්‍යක්ෂ ජනරාල් තනතුරක සේවය කරනු ලබන ශ්‍රී ලංකා ගණකාධිකාරී සේවයේ විශේෂ ශ්‍රේණියේ නිලධාරිනී ඒ. එම්. එස්. මල්කාන්ති මහත්මිය සුදුසු බවට හඳුනාගනු ලැබ ඇත.

ඒ අනුව, ඒ මහත්මිය භාණ්ඩාගාර මෙහෙයුම දෙපාර්තමේන්තුවේ අධ්‍යක්ෂ ජනරාල් තනතුරට පත් කිරීම පිණිස මුදල්, ක්‍රම සම්පාදන සහ ආර්ථීක සංවර්ධන අමාත්‍ය වශයෙන් ජනාධිපතිවරයා ඉදිරිපත් කළ යෝජනාව අමාත්‍ය මණ්ඩලය විසින් අනුමත කර තිබේ.

ජනපති ඉන්දියාව බලා දිවයිනෙන් පිටත් වෙයි