සංවිධානාත්මක අපරාධ ක්‍රියා මැඩලීමට නව නීති

මධ්‍යම අපරාධ විමර්ශන කාර්යාංශයේ නියෝජ්‍ය පොලිස්පති චන්දන කොඩිතුවක්කු මහතා පවසන පරිදි, සංවිධානාත්මක අපරාධකරුවන්ට එරෙහිව නව නීතියක් කෙටුම්පත් කරමින් පවතී.

පෞද්ගලික රූපවාහිනී ජාලයක වැඩසටහනකට සහභාගී වෙමින් ඔහු මේ බව සඳහන් කළේය. අදාළ නීති කෙටුම්පත පාර්ලිමේන්තුවට ඉදිරිපත් කිරීමෙන් පසු කඩිනමින් බලාත්මක කිරීමට නියමිත බව ද ඔහු වැඩිදුරටත් ප්‍රකාශ කළේය.

මෙම නව නීතිය සකස් කිරීම රජයේ මැදිහත්වීමෙන් සිදුවන අතර, පොලිස්පති ප්‍රියන්ත වීරසූරිය මහතාගේ සෘජු අධීක්ෂණය යටතේ මෙම කටයුතු ක්‍රියාත්මක වන බව නියෝජ්‍ය පොලිස්පතිවරයා සඳහන් කළේය.

මුළු රටේම ආන්දෝලනයට තුඩදුන් අකුරේගොඩ ඝාතනයට ඇල්ලූ වෙඩික්කරු ගැන තොරතුරු රැසක් හෙළිවෙයි

සංවිධානාත්මක අපරාධ මර්ධනය සඳහා වඩාත් ශක්තිමත් නීතිමය රාමුවක් ලබා දීම මෙම නව පනතේ ප්‍රධාන අරමුණ වන අතර, මෙය මත්ද්‍රව්‍ය ජාවාරම්, මූල්‍ය වංචා, ඝාතන සහ වෙනත් බරපතල අපරාධ සම්බන්ධ සංවිධානාත්මක ක්‍රියාකාරකම් මැඩලීමට බලපෑම් කිරීමට බලාපොරොත්තු වේ.

පසුගිය කාලයේ සංවිධානාත්මක අපරාධකරුවන්ට එරෙහි විමර්ශන හා අත්අඩංගුවට ගැනීම් වැඩිවීමත් සමඟ මෙවැනි නව නීතිමය පියවර තවදුරටත් ශක්තිමත් කිරීමට රජය කටයුතු කරමින් සිටී.

රතු නිවේදන යටතේ දිස්ත්‍රික්ක 3ක් - දිස්ත්‍රික්ක 3ක පවුල් කිහිපයක් ආරක්ෂිත ස්ථාන වෙත මාරු කරයි