සිරි දළදා වන්දනාව - සැදැහැවතුන්ගේ සෞඛ්‍ය ආරක්ෂාව සඳහා උපදෙස්

සිරි දළදා වන්දනාවට සහභාගී වන සැදැහැවතුන්ගේ සෞඛ්‍ය ආරක්ෂාව වෙනුවෙන් සෞඛ්‍ය ප්‍රවර්ධන කාර්යාංශය විසින් උපදෙස් මාලාවක් නිකුත් කර ඇත. ඒ අනුව, සෞඛ්‍ය මාර්ගෝපදේශ අනුගමනය කරන ලෙස එම කාර්යාංශය සැදැහැවතුන්ගෙන් ඉල්ලා සිටී.

අධික රස්නය අඩු වෙන කාලේ මෙන්න

1. විජලනය වැළැක්වීමට නිතර ජලය පානය කරන්න.
2. ගෙනා ආහාර ඉක්මනින් ආහාරයට ගන්න. නරක් වී ඇතැයි හැඟේ නම් එය ආහාරයට නොගන්න.
3. ඔබ ඖෂධ ගන්නා අයෙක් නම් (මීමැස්මොර, අධි රුධිර පීඩනය, දියවැඩියාව ආදිය සඳහා), නියමිත වේලාවට ඒවා ගන්න. දින කිහිපයකට ප්‍රමාණවත් බෙහෙත් රැගෙන යන්න.
4. දිගුකාලීන රෝගයකින් පෙළෙන්නේ නම්, රෝග විනිශ්චය පත්‍රයේ හෝ සායන කාඩ්පතේ ඡායා පිටපතක් රැගෙන යන්න.
5. ඔබේ දරුවාගේ ඇඳුමේ හෝ සාක්කුවේ ඔබේ දුරකථන අංකය ලියා තබන්න.
6. පෝලිමේ සිටින විට කිසිවිටෙක කලබල නොවන්න. එක් අයෙකුගේ කලබලය බොහෝ දෙනාට බලපා තෙරපීම් ඇති කළ හැක. අනතුරු වළක්වන්න.
7. අත්‍යවශ්‍ය දේ පමණක් රැගෙන යන්න. කසළ අවම කර, නියමිත බඳුන්වල කසළ දමන්න.
8. සෞඛ්‍ය ගැටලුවක් ඇති වුවහොත්, පෝලිමේ සිටින නිලධාරීන්ගෙන් හෝ සෞඛ්‍ය මධ්‍යස්ථානවලින් ඉක්මනින් සහය ලබා ගන්න.
9. දුම්රියේ ජනේලවල හෝ බඳේ එල්ලී යෑමෙන් වළකින්න. දුම්රිය මග හෝ බිං ගෙවල් තුළ යන විට අනතුරු වළක්වන්න.
10. වාහනය නියමිත වේග සීමාවන්ට යටත්ව ප්‍රවේශමෙන් පදවන්න. මහමග අනතුරු වළක්වන්න.
11. පෞද්ගලික සනීපතාව රැක ගැනීමට සබන් කැබැල්ලක් හෝ සැනිටයිසර් රැගෙන යන්න.
12. මදුරු දෂ්ටන වළක්වා ගැනීමට මදුරු විකර්ෂක (පැඟිරි තෙල් වැනි) භාවිතා කරන්න.

පාප් වහන්සේ මිය ගියහම කරන දේවල්-මුදුව මිටියකින් ගහලා කඩනවා