ගෝවීන්ට සුබ ආරංචියක් - පොහොර සංචිත පිළිබඳව දැනුම්දීමක්

මෙවර යල කන්නය සඳහා රටේ ගොවි ජනතාවට අත්‍යවශ්‍ය වන රසායනික පොහොර ප්‍රමාණයට වඩා බෙහෙවින් වැඩි අතිරික්ත පොහොර තොගයක් මේ වනවිට රට තුළ සුරක්ෂිතව පවතින බව ජාතික පොහොර ලේකම් කාර්යාලය නිල වශයෙන් පවසයි.

එහි ප්‍රධාන අධ්‍යක්ෂ චන්දන ලොකුහේවගේ මහතා විශේෂ ප්‍රකාශයක් සිදුකරමින් සඳන් කළේ වර්තමානය වන විට රට තුළ කිසිදු ආකාරයක පොහොර හිඟයක් නොමැති බවත් ඉදිරි වගා කටයුතු වෙනුවෙන් තවදුරටත් අමතර පොහොර තොග මෙරටට ආනයනය කිරීමට අවශ්‍ය සියලු පියවර මේ වන විටත් ගෙන ඇති බවත්ය.

පාසල් ක්ෂේත්‍රයම අනතුරේ - පොලීසිය මැදිහත්ව පාසල් සිසුන්ට දැනුවත් කිරීමක්

මෙවර යල කන්නයේ සමස්ත වගා කටයුතු සඳහා යුරියා පොහොර මෙට්‍රික් ටොන් 125000 ක අවශ්‍යතාවක් බලධාරීන් විසින් කලින් ඇස්තමේන්තු කර තිබූ අතර ඉන් මෙට්‍රික් ටොන් 120000 ක අතිවිශාල ප්‍රමාණයක් මේ වනවිටත් දිවයින පුරා සිටින ගොවීන් වෙත ඉතාමත් සාර්ථකව බෙදාහැර අවසන් කර ඇති බවද ඔහු පැවසීය.

මෙම යල කන්නය ආරම්භ වනවිට රට තුළ යුරියා පොහොර මෙට්‍රික් ටොන් 101000 ක් ගබඩා කර තිබූ අතර පසුව රජයේ මැදිහත්වීම මත තවත් මෙට්‍රික් ටොන් 50000 ක ප්‍රමාණයක් අලුතින් ආනයනය කර තිබේ. ඒ අනුව මෙවර කන්නය සඳහා රට තුළ සුරක්ෂිතව පැවති සමස්ත යුරියා පොහොර තොගය මෙට්‍රික් ටොන් 152000 ක් බව නිල වාර්තාවල සඳහන් වේ.

ඉන් මෙට්‍රික් ටොන් 120000 ක් ගොවි ජනතාව වෙත බෙදාහැර ඇති අතර තවත් මෙට්‍රික් ටොන් 32000 ක පමණ අතිරික්ත ප්‍රමාණයක් පොහොර සමාගම් සතුව සුරක්ෂිතව පවතින බවද ජාතික පොහොර ලේකම් කාර්යාලය පවසයි.

එමෙන්ම ඉදිරි සතිය තුළදී තවත් නවතම යුරියා පොහොර මෙට්‍රික් ටොන් 17000 ක් මෙරටට ලැබීමට නියමිතව ඇත. මීට අමතරව TSP පොහොර සඳහා මෙවර යල කන්නයට අවශ්‍ය සමස්ත ප්‍රමාණය මෙට්‍රික් ටොන් 19300 ක් වන අතර මේ වනවිට ඉන් මෙට්‍රික් ටොන් 16000 ක් පමණ ගොවීන් වෙත බෙදාහැර තිබේ.

පවතින කාලගුණයේ වෙනසක් - පාසල් වසා තැබීමට රජයෙන් තීරණයක්

යල කන්නය ආරම්භ වනවිට TSP පොහොර මෙට්‍රික් ටොන් 34000 ක් රට තුළ පැවති අතර තවත් මෙට්‍රික් ටොන් 1900 ක් ආනයනය කිරීමට පියවර ගෙන ඇත. එමෙන්ම MOP පොහොර සඳහා පවතින අවශ්‍යතාව මෙට්‍රික් ටොන් 42000 ක් වන අතර මේ වනවිට රජය සහ පෞද්ගලික සමාගම් ඒකාබද්ධව ඉන් මෙට්‍රික් ටොන් 32000 ක් ගොවීන් වෙත බෙදාහැර තිබේ.

කන්නය ආරම්භයේදී MOP පොහොර මෙට්‍රික් ටොන් 39000 ක් සමාගම් සතුව පැවති බවද අධ්‍යක්ෂවරයා වැඩිදුරටත් තහවුරු කළේය.