සයිබර් අපරාධකරුවන් මුදල් ලබාගැනීමේ සිද්ධිය සම්බන්ධයෙන් විධිමත් පරික්ෂණයක් ක්‍රියාත්මකයි – ඇමති ක්‍රිශාන්ත අබේසේන

සයිබර් අපරාධකරුවන් විසින් මුදල් වංචා කිරීමේ සිද්ධිය සම්බන්ධයෙන් මේ වන විට විධිමත් හා පුළුල් විමර්ශනයක් ඕස්ට්‍රේලියාවේ සහාය ඇතිව සිදුකරමින් පවතින බව අමාත්‍ය මහාචාර්ය ක්‍රිෂාන්ත අබේසේන මහතා පවසයි.

ගම්පහ ප්‍රදේශයේ පැවති වැඩසටහනකින් අනතුරුව මාධ්‍ය වෙත අදහස් දක්වමින් අමාත්‍යවරයා සඳහන් කළේ, මෙම සයිබර් වංචා ජාලය ජාත්‍යන්තර ස්වභාවයක් ගන්නා බැවින් විදේශීය නීති ක්‍රියාත්මක කිරීමේ ආයතන සමඟ සමීපව කටයුතු කිරීමට සිදුව ඇති බවයි.

ඒ අනුව, ඕස්ට්‍රේලියානු බලධාරීන්ගේ තාක්ෂණික සහ විමර්ශන සහාය ලබාගෙන, සැකකරුවන් හඳුනා ගැනීම, මුදල් ගලායාම් මාර්ග සොයාබැලීම සහ සම්බන්ධ ජාල විහිදීම අනාවරණය කිරීම සඳහා කටයුතු කරමින් පවතින බවද ඔහු පෙන්වා දුන්නේය.

පාස්කු නඩුව සම්බන්ධයෙන් පූජිත් ජයසුන්දර කළ ඉල්ලීමක් ප්‍රතික්ෂේප කරයි

එමෙන්ම, මෙවැනි සයිබර් වංචා වැළැක්වීම සඳහා මහජනතාව ද අවධානයෙන් කටයුතු කළ යුතු බවත්, අනපේක්ෂිත දුරකථන ඇමතුම්, පණිවිඩ හෝ සැකසහිත වෙබ් සබැඳි ඔස්සේ පුද්ගලික හා බැංකු තොරතුරු හෙළි නොකළ යුතු බවටද අමාත්‍යවරයා අවවාද කළේය. සිද්ධිය සම්බන්ධයෙන් ඉදිරියේදී තවත් තොරතුරු හෙළිවනු ඇති බවද ඔහු වැඩිදුරටත් සඳහන් කළේය. 

හිටපු අමාත්‍ය ජොන්ස්ටන් ප්‍රනාන්දුට ඇප