ශ්‍රී ලංකාවේ පළමු දෘශ්‍යාබාධිත මන්ත්‍රීවරයා වෙනුවෙන් පළමු වරට පාර්ලිමේන්තු ගර්භයේ වෙනස්කම් රැසක්. - එය සිදු වන්නේ මෙහෙමයි.- (VIDEO)
Wayomi
2024 මහමැතිවරණයෙන් ජාතික ජනබලවේගයේ ජාතික ලැයිස්තුවෙන් නම් කළ සමාජ සේවා නිලධාරී (විශ්‍රාමික), ශ්‍රී ලංකා දෘශ්‍යාබාධිත උපාධිධාරී මණ්ඩලයේ සභාපති ,සුගත් වසන්ත ද සිල්වා පත් කර තිබෙනවා.
මින් පෙර දෘශ්‍යාබාධිත මන්ත්‍රීවරයෙකු මෙරට පාර්ලිමේන්තුවේ නොසිටි හෙයින් ජනතාව අතර මේ මන්ත්‍රීවරයා සම්බන්ධයෙන් දැඩි කතාබහට ලක්ව ඇත.
ඒ,එමෙන්ම දෘශ්‍යාබාධිත මන්ත්‍රී සුගත් වසන්ත ද සිල්වා හට ලබා දෙන පහසුකම් සම්බන්ධයෙන් විශේෂ කරුණු දැක්වීමක් ශ්‍රී ලංකා පාර්ලිමේන්තුවේ මහලේකම් - කුෂානි රෝහණදීර, නියෝජ්‍ය මහ ලේකම් - චමින්ද කුලරත්න, වේත්‍රධාරී - කුෂාන් ජයරත්න, ව්‍යවස්ථාදායක සේවා අධ්‍යක්ෂ - ජයලත් පෙරේරා සිදු කළා.
ඒ, රූපවාහිනී නාලිකාවක පැවති වැඩසටහනකට එක්වෙමින්.
එහිදී මහලේකම් කුෂානි රෝහණදීර කියා සිටියේ මෙම දෘශ්‍යාබාධිත මන්ත්‍රීවරයා හට පාර්ලිමේන්තුව තුළ විශේෂ වැඩපිළිවෙලක් සංවිධානය කර ඇති බවයි.
නව මන්ත්‍රීවරයාට ආසන පැනවීමේ සිට සභා ගර්භයට පිවිසෙන අවස්ථාව මෙන්ම ඡන්දය භාවිතා කිරීමට අදාළ සියළු දේ සංවිධානය කර ඇති බව මහලේකම්වරිය සඳහන් කළා.
නියෝජ්‍ය මහ ලේකම් චමින්ද කුලරත්න දෘශ්‍යාබාධිත මන්ත්‍රීවරයෙක් මෙරට පාර්ලිමේන්තු නියෝජනය කරන පලමු අවස්ථාව ව අතර එමෙන්ම මෙරට පාර්ලිමේන්තුව තුළ සමගාමි භාෂා ස්ථාපිත කර ඇති බව ද නියෝජ්‍ය මහලේකම්වරයා මෙහිදී කියා සිටියා.
ඒ අනුව ඉංග්‍රිසි, සිංහල සහ දෙමළ භාෂාවෙන් මෙහිදී කටයුතු සිදු කරන බවත්,පාර්ලිමේන්තුව තුළ දෘශ්‍යාබාධිත මන්ත්‍රීවරුන්ට භාවිතා කළ හැකි බේල් ක්‍රමය ආරම්භ කළ යුතු බවත් මෙහිදී පෙන්වා දුන්නා.
එමෙන්ම දෘශ්‍යාබාධිත පුද්ගලයින්ගේ සනිපාරක්ෂාව වෙනුවෙන් ද මේ වන විට සියළු පහසුකම් සලසා ඇති බවත්, නව දෘශ්‍යාබාධිත මන්ත්‍රීවරයාට පාර්ලිමේන්තුව තුළ ඡන්දය භාවිතා කිරීමේදී කටහඩ භාවිතා කර සිය ඡන්දය භාවිතා කළ හැකි බවත් නියෝජ්‍ය මහලේකම්වරයා වැඩිදුරටත් කියා සිටියා.
තව ද දෘශ්‍යාබාධිත මන්ත්‍රීවරයාට පාර්ලිමේන්තුව තුළදී ප්‍රශ්ණයක් ඇසිමේදී සිදු කරන සංඥාව වෙනුවෙන් සභාගර්භයේ සිටින පාර්ලිමේන්තු සේවා සහායකයන්ට සහාය දැක්වීමට හැකි බව ශ්‍රී ලංකා පාර්ලිමේන්තුවේ මහලේකම් - කුෂානි රෝහණදීර පැවසුවා.
මෙහිදී අදහස් පල කරමින් වේත්‍රධාරි කුෂාන් ජයරත්න කියා සිටියේ නව දෘශ්‍යාබාධිත මන්ත්‍රීවරයාට ආසන පැනවීමේදී මෙම මන්ත්‍රීවරයාගේ අවශ්‍යතාවය අනුව තමන්ගේ ආසනය වෙත පහසුවෙන් යාමට අවස්ථාව සලසා දිය යුතු අතර එහිදී ආණ්ඩු පක්ෂයේ මන්ත්‍රීවරුන් සිටින ස්ථානයේ සිට සභාගර්භයට පිවිසෙන ළඟම ආසනය වෙන් කිරීමට මේ වන විට කටයුතු කර ඇති බවයි.
නව ආණ්ඩු පෙරළියත් සමඟ ශ්‍රී ලංකා ඩොලරයට සිදු වී ඇති දේ. - ප්‍රධාන වානිජ බැංකු විනිමය අනුපාතික මෙන්න.
