අනපේක්ෂිත සයිබර් ප්‍රහාරය හේතුවෙන් තවමත් පැය 20ක් යනතුරුත් දුම්රිය වෙබ් අඩවිය අඩපණයි

ශ්‍රී ලංකා දුම්රිය දෙපාර්තමේන්තුවේ නිල වෙබ් අඩවිය වෙත එල්ල වූ අනපේක්ෂිත සයිබර් ප්‍රහාරයකින් පසුව පැය 20 කට ආසන්න දීර්ඝ කාලයක් ගතවී තිබුණ ද එහි පවතින තාක්ෂණික දෝෂ සම්පූර්ණයෙන්ම යථාතත්වයට පත්කිරීමට මෙතෙක් නොහැකි වී තිබේ.

දුම්රිය බලධාරීන් ප්‍රකාශ කරන්නේ එම වෙබ් අඩවියේ අන්තර්ගත දෛනික දුම්රිය කාලසටහන් ප්‍රදර්ශනය කෙරෙන විශේෂිත කොටසට පමණක් මෙම සයිබර් ප්‍රහාරයෙන් සෘජුවම බරපතළ බලපෑමක් ඇතිවී තිබෙන බවයි.

සාමාන්‍ය පෙළ ප්‍රතිඵල ගැන විශේෂ දැනුම්දීමක්

ඒ අනුව පූර්ව ආරක්ෂණ සහ පාලන උපක්‍රමයක් ලෙස අදාළ අක්‍රීය වූ කාලසටහන් කොටස සම්පූර්ණයෙන්ම යථා තත්වයට පත්කර අවසන් කරන තෙක්, වෙබ් අඩවිය පරිශීලනය කරන මහජනතාවගේ දත්ත ආරක්ෂාව වෙනුවෙන් තාවකාලිකව සමස්ත වෙබ් අඩවියම අක්‍රීය කිරීමට පියවර ගත් බව ද එම දෙපාර්තමේන්තුව වැඩිදුරටත් සඳහන් කළේය. 

සලේ නිසා දිලිත්, විමල්, ගම්මන්පිල ඇතුළු 06කට එරෙහිව විමර්ශනයක්