ඔක්තෝබර් 1 සිට අලුත් නීතියක් ක්‍රියාත්මකයි - මෙන්න විස්තරේ

ඔක්තෝබර් 1 වන දින සිට ක්‍රියාත්මක වීමට නියමිත ඩිජිටල් අත්සන සහ කඩදාසි රහිත රේගු ප්‍රකාශන පද්ධතිය සාර්ථකව ක්‍රියාත්මක කිරීම සඳහා ශ්‍රී ලංකා රේගුවේ තොරතුරු තාක්ෂණ අංශයේ දායකත්වය ආදායම් පරිපාලන ප්‍රතිසංස්කරණ හා නවීකරණ කාර්යාංශයේ ප්‍රධානී සහ ජනාධිපති ජ්‍යෙෂ්ඨ අතිරේක ලේකම් සීවලි අරුක්ගොඩ මහතා අගය කළේය.

ලංකා වාණිජ මණ්ඩලය විසින් සංවිධානය කරන ලද දැනුවත් කිරීමේ වැඩසටහනකදී රජයේ ඩිජිටල්කරණ ප්‍රතිපත්තිය සහ ආදායම් පරිපාලන ප්‍රතිසංස්කරණ හා නවීකරණ කාර්යාංශයේ කාර්යභාරය පිළිබඳ විශේෂ දේශනයක් පවත්වමින් ඔහු මෙම අදහස් පළ කළේය.

විභාග දෙපාර්තමේන්තුවෙන් විශේෂ නිවේදනයක් - පහ ශ්‍රේණිය ශිෂ්‍යත්ව විභාග ප්‍රතිපල ගැන දැනුම්දීමක්

ලංකා වාණිජ මණ්ඩල ශ්‍රවණාගාරයේදී පැවති මෙම වැඩසටහනේ අරමුණ වූයේ නව ඩිජිටල් අත්සන සහ කඩදාසි රහිත රේගු ප්‍රකාශන පද්ධතිය පිළිබඳව ආනයනකරුවන් සහ ව්‍යාපාරික ප්‍රජාව දැනුවත් කිරීමයි.

රේගුවේදී කඩදාසි රහිත ලේඛන සැකසීම කඩිනම් කිරීම සඳහා රජය ගෙන ඇති මුලපිරීමට අනුකූලව මෙම වැඩසටහන සංවිධානය කරන ලද අතර, වෙළඳ අංශයට මෙම පද්ධතියේ ප්‍රතිලාභ පිළිබඳව පුළුල් ලෙස සාකච්ඡා කරන ලදී.

පාරිභෝගික කටයුතු පිළිබඳ අධිකාරියෙන් විශේෂ නිවේදනයක් - වෙළෙඳ ප්‍රජාව අනිවාර්යයෙන් පිළිපැදිය යුතු නීතියක්

ලංකාපේ සහ ශ්‍රී ලංකා රේගුවේ නිලධාරීන් තාක්ෂණික සැසියක් පැවැත්වූ අතර, සහභාගිවන්නන්ට ඩිජිටල් අත්සන්, ඩිජිටල් අත්සනක් ලබා ගැනීමේ ක්‍රියා පටිපාටිය සහ රේගු ප්‍රකාශන ඉදිරිපත් කිරීමේදී එහි ප්‍රායෝගික භාවිතය පිළිබඳ පුළුල් තොරතුරු ලබා දෙන ලදී.

රේගු අධ්‍යක්ෂවරුන් වන රුවන් තිසේර සහ සිසිර කුමාර, ආදායම් පරිපාලන ප්‍රතිසංස්කරණ හා නවීකරණ කාර්යාංශයේ අධ්‍යක්ෂවරුන් වන ඩබ්ලිව්. එල්. සී. තිලකසිරි සහ එම්. ඒ. ප්‍රේමලාල්, ලංකා වාණිජ මණ්ඩලයේ ප්‍රධාන විධායක නිලධාරී සහ මහලේකම් ශිරාන් ප්‍රනාන්දු, ශ්‍රී ලංකා රේගුවේ සහ එහි තොරතුරු තාක්ෂණ අංශයේ ජ්‍යෙෂ්ඨ නිලධාරීන්, LankaPay නියෝජිතයින් සහ ආනයන හා ව්‍යාපාරික ප්‍රජාවන්හි නියෝජිතයින් විශාල පිරිසක් මෙම වැඩසටහනට සහභාගී වූහ.

රාජ්‍ය සේවිකාවන්ගේ මාතෘ නිවාඩුවේ වෙනසක් - තුන්වෙනි දරු උපතේදීත් වසරක නිවාඩුවක් - අසල්වැසි රටින් අලුත් නීති