ශ්‍රී ලංකා කාන්තා ක්‍රිකට් කණ්ඩායම විශිෂ්ඨ ජයක් ලබයි..චමරිගෙන් ශතකයක්..

අයි.සී.සී පන්දුවාර 20යි 20 ලෝක කුසලාන ක්‍රිකට් තරගාවලියට සුදුසුකම් ලැබීම සඳහා ස්කොට්ලන්ත කාන්තා කණ්ඩායම සමඟ පැවති තරගය ලකුණු 68 කින් ජය ගැනීමට ශ්‍රී ලංකා කාන්තා කණ්ඩායම සමත්ව තිබෙනවා.

තරගයේ කාසියේ වාසිය දිනූ ස්කොට්ලන්ත කාන්තා කණ්ඩායම ප්‍රථමයෙන් පන්දු රැකීමට තීරණය කළා.

ඒ අනුව, පන්දුවට පහර දුන් ශ්‍රී ලංකා කාන්තා කණ්ඩායම නියමිත පන්දුවාර 20 අවසානයේ කඩුළු 5ක් දැවී ලකුණු 169ක් ලබා ගැනීමට සමත් විය.

චමරි අතපත්තු ලකුණු 102 යි.

පිළිතුරු ඉනිම සඳහා පන්දුවට පහරදුන් ස්කොට්ලන්ත කාන්තා කණ්ඩායමට නියමිත පන්දුවාර 20 අවසානයේ කඩුලු 7ක් දැවී රැස්කිරීමට හැකිවූයේ ලකුණු 101ක් පමණයි.

උදේෂිකා ප්‍රබෝධනී ලකුණු 13කට කඩුලු 3ක් දවා ගැනීමට සමත් විය.

ඒ අනුව, ශ්‍රී ලංකා කණ්ඩායම ලකුණු 68 කින් තරගයේ ජය වාර්තා කිරීමට සමත් වීමත් සමග ශ්‍රී ලංකා කණ්ඩායම මේ වන විට ඉහළ තැනක පවතී.0