සත්ත්ව පනත සංශෝධනය කිරීමට කැබිනට් අනුමැතිය

සත්ත්ව පනතේ අර්ථ නිරූපණ වගන්තිය සංශෝධනය කිරීම සඳහා ප්‍රතිපත්තිමය අනුමැතිය ලබා දී ඇත.

ඒ අනුව ප්‍රතිපත්තිමය අනුමැතිය ලබා දී ඇත්තේ 1958 අංක 29 දරන සත්ත්ව පනතෙහි 'සතා' යන අර්ථ නිරූපණයෙහි 'එළ හරකා' සහ 'මී හරකා' යන සතුන්ට අමතරව ඌරා , එළුවා සහ බැටළුවා ද ඇතුළත් කර පනතේ අර්ථ නිරූපණ වගන්තිය සංශෝධනය කිරීම සඳහායි.

රාජ්‍ය සේවකයන්ට ජනපති අනුරගෙන් විශේෂ පණිවිඩයක් - රාජකාරියේදී මෙහෙම වුණොත් වහාම දැනුවත් කරන්න

එම අනුමැතිය පරිදි නීති කෙටුම්පත් සම්පාදක විසින් සංශෝධිත පනත් කෙටුම්පතක් භාෂාත්‍රයෙන්ම සකස් කර ඇති අතර, ඒ සඳහා නීතිපතිගේ නිෂ්කාශනය ද ලැබී ඇත.

එකී සංශෝධනය ඇතුළත් පනත් කෙටුම්පත රජයේ ගැසට් පත්‍රයේ පළ කිරීමටත්, ඉන් අනතුරුව අනුමැතිය සඳහා පාර්ලිමේන්තුව වෙත ඉදිරිපත් කිරීමටත් කෘෂිකර්ම, පශු සම්පත් ඉඩම් සහ වාරිමාර්ග අමාත්‍යවරයා ඉදිරිපත් කළ යෝජනාව අමාත්‍ය මණ්ඩලය විසින් අනුමත කර ඇත.

වහාම ක්‍රියාත්මක වන පරිදි තැබෑරුම් වසා දමයි - රටම කළඹන හදිසි තීරණයට අත්සන මහ ඇමතිගෙන්

මරණය පරාජය කරන්න කවිඳුට උදව් කරන්න