අද කොළඹ යන අයට පොලීසියෙන් විශේෂ නිවේදනයක්

78 වැනි ජාතික නිදහස් දින සැමරුම් උත්සවයට සමගාමීව කොළඹ නිදහස් චතුරස්‍ර පරිශ්‍රය අවට ප්‍රදේශයේ විශේෂ රථවාහන සැලැස්මක් අද (04) දිනය තුළ ක්‍රියාත්මක වන බව දැනුම් දෙයි. එබැවින් ඒ සම්බන්ධයෙන් පොලීසිය මඟින් නිවේදනයක් නිකුත් කර තිබෙනවා.

එම නිවේදනයට අනුව විශේෂ රථවාහන සැලැස්ම අද දින අලුයම 03:00 සිට ජාතික නිදහස් සැමරුම් උත්සවය අවසන් වන තෙක් ක්‍රියාත්මක වේ.

එසේම පොලීසිය සඳගන් කළේ පහත සඳහන් මාර්ගයන්හි ගමනාගමනය සීමා කරනු ඇති බවයි.

අද රටම සමරන 78 වන නිදහස් දින සැමරුම

1. හෝර්ටන් වටරවුමෙන් ආනන්ද කුමාරස්වාමි මාවතට ඇතුළු වීම.

2. පුස්තකාල හන්දියෙන් ආනන්ද කුමාරස්වාමි මාවත හෝර්ටන් වටරවුම දෙසට ඇතුළුවීම.

3. ධර්මපාල මාවතෙන් එෆ්.ආර්. සේනානායක මාවතට ඇතුළුවීම.

4. කන්නංගර මාවතෙන් එෆ්.ආර්. සේනානායක මාවතට ඇතුළුවීම.

5. නිදහස් මාවත නිදහස් වටරවුමෙන් නිදහස් චතුරශ්‍රය දෙසට ඇතුළුවීම.

6. ස්ටැන්ලි විජේසුන්දර මාවතෙන් පද නම් ආයතනය දෙසට ඇතුළු වීම.

7. බෞද්ධාලෝක මාවත, ටොරින්ටන් හන්දියෙන් ප්‍රේමකීර්ති ද අල්විස් මාවතට ඇතුළු වීම.

8. බෞද්ධාලෝක මාවත, ආර්.එෆ්.පී. හන්දියෙන් මේට්ලන්ඩ් පෙදෙසට ඇතුළුවීම.

9. විජේරාම මාවත, විද්‍යා මාවත හන්දියෙන් විද්‍යා මාවතට ඇතුළුවීම.

10.මේට්ලන්ඩ් ක්‍රසන්ට් ආර්. ජී. සේනානායක මාවත හන්දියෙන් නිදහස් වටරවුම දෙසට ඇතුළු වීම.

11.නිදහස් වටරවුමෙන් මේට්ලන්ඩ් ක්‍රසන්ට් දෙසට ඇතුළුවීම.

12.හොර්ටන් පෙදෙස මේට්ලන්ඩ් ක්‍රසන්ට් හන්දියෙන් නිදහස් වටරවුම දෙසට ඇතුළුවීම.

එමෙන්ම පොලීසිය වැඩිදුරටත් සඳහන් කළේ ඉහත ගමනාගමනය සීමා කරනු ලබන මාර්ගයන්හි පදිංචිකරුවන් හා ආයතන වෙත රාජකාරියට බාධාවක් නොවන අයුරින් ගමන් කිරීමට අවස්ථාව හිමිවන බවයි.

සියලුම දෙනාට විශේෂ දැනුම්දීමක් - ඔබේ බැංකු කාඩ්පත්වලට මෙම පණිවිඩ ලැබුණොත් වහාම දැනුම්දෙන්න

රැකියා ස්ථානයේ හෝ ව්‍යාපාරය තුළ වාසි රැසක් ලැබෙන අද දවසේ ලග්න පලාපල මෙන්න