ෂෙයික් හසීනාට මොකක්ද මේ වුණේ.....

බංග්ලාදේශයේ මැතිවරණ කොමිසම, නෙරපා හරින ලද හිටපු අගමැතිනි ෂෙයික් හසීනාගේ අවාමි ලීගයේ ලියාපදිංචිය අත්හිටුවා ඇත.

එමඟින් පක්ෂයට ඉදිරි ජාතික මැතිවරණයට තරඟ කිරීමට නොහැකි වන බවයි විදෙස් මාධ්‍ය වාර්තා කරයි.

මෙය සිදුව ඇත්තේ, අන්තර්වාර රජය විසින් ත්‍රස්ත විරෝධී පනත යටතේ අවාමි ලීගයේ සියලු ක්‍රියාකාරකම් තහනම් කිරීමෙන් අනතුරුවය.

AI පාවිච්චි කළොත් වැඩ වරදී - කෘත්‍රිම බුද්ධියට (AI) එරෙහි පනතක්

නොබෙල් ත්‍යාගලාභී මුහම්මද් යුනුස්ගේ නායකත්වයෙන් යුක්ත අන්තර්වාර රජය, දින කිහිපයක් පැවති විරෝධතා වලින් පසුව එම පියවර ගෙන ඇත.

ජාතික ආරක්ෂාවට විරෝධතාකරුවන් තර්ජනයක් බවත්, විරෝධතාකරුවන්ගේ මරණ සම්බන්ධයෙන් අවාමි ලීගයේ නායකයන් වගකිව යුතු බවත් එයට අදාල ජාත්‍යන්තර අපරාධ විමර්ශනයක් පැවතීමත් හේතු ලෙස දක්වා තිබේ.

“අවාමි ලීගයේ සහ එහි අනුබද්ධ සංවිධානවල සියලුම ක්‍රියාකාරකම් ස්වදේශ කටයුතු අමාත්‍යාංශය විසින් තහනම් කිරීමත් සමඟ, මැතිවරණ කොමිසම පක්ෂයේ ලියාපදිංචිය අත්හිටුවීමට තීරණය කර තිබෙන බවයි විදෙස් මාධ්‍ය වාර්තා කරයි.

බංග්ලාදේශයේ මැතිවරණ නීති යටතේ, ජාතික මැතිවරණයට සහභාගී වීමට නම් දේශපාලන පක්ෂයක් මැතිවරණ කොමිසමේ ලියාපදිංචි විය යුතුයි. ඒ අනුව වසර 20කට වැඩි කාලයක් බංග්ලාදේශය පාලනය කළ අවාමි ලීගය අනාගත මැතිවරණවලදී නුසුදුස්සෙකු වනු ඇත.

බංග්ලාදේශයේ 2024 අගෝස්තු මාසයේදී ඇති වූ අරගලය හමුවේ ෂෙයික් හසීනා මැතිණිය ඉන්දියාවට පලා ගියා.

අන්තර්වාර රජයක් බලයට පත් වීමෙන් පසු නැවත දේශපාලන කටයුතු ආරම්භ කළ නමුත්, තවමත් දේශපාලන අස්ථාවරත්වයක් පවතියි.

මේ වන විට හිටපු අගමැතිනි කලීඩා සියාගේ බංග්ලාදේශ ජාතිකවාදී පක්ෂය ඇතුළු දේශපාලන පක්ෂ ඉක්මන් මැතිවරණයක් සහ ප්‍රජාතන්ත්‍රවාදීව තේරී පත් වූ රජයකට නැවත පැමිණීම ඉල්ලා තිබෙන බවද විදෙස් මාධ්‍ය වාර්තා කරයි.

ඊට අමතරව පසුගිය වසරේ හසීනා රජය පෙරළා දැමීමට පෙරමුණ ගත් එරට ශිෂ්‍ය ව්‍යාපාරය විසින් මෙහෙයවන ජාතික පුරවැසි පක්ෂය ප්‍රතිසංස්කරණ ක්‍රියාත්මක කිරීමෙන් පසු මැතිවරණයක් අවශ්‍ය බවට ඉල්ලා සිටියි.