ජුනි 04 වන දා සිට පාසල් යන විදිය ගැන දැනුම් දීමක්..හැමෝම මේ ගැන දැනුවත් වන්න.(Update)

පසුගියදා (15) අවසන්වූ 2023/2024 අ.පො.ස.සාමාන්‍ය පෙළ විභාගයට පෙනී සිටි සිසු සිසුවියන් සඳහා ජුනි 04 දින උසස් පෙළ පන්ති ආරම්භ කිරීම සම්බන්ධ චක්‍රලේඛය අධ්‍යාපන අමාත්‍යාංශය මගින් නිකුත් කර තිබෙනවා.

ඒ අනුව, සිසුන්ගේ කැමැත්ත මත ඔවුන් පෙන්නුම් කරන සාධන මට්ටම් අනුව ඉදිරි ජුනි මස 04 වන දින උසස් පෙළ පන්ති ආරම්භ කර සාමාන්‍ය පෙළ විභාගයට පෙනී සිටි සිසුන් සඳහා ප්‍රතිඵල ලැබෙන තෙක් තාවකාලික පදනම යටතේ සිසුන් උසස් පෙළ හැදෑරීමට අපේක්ෂිත විෂය ධාරා අනුව පන්ති ආරම්භ කළ යුතු බවයි එම නිවේදනයේ සඳහන් වන්නේ.

සා.පෙළ ප්‍රතිඵල එන්න කලින්ම ප්‍රශ්නයක් වෙයි..උසස් පෙළට යන්න ඉන්න අයට විශේෂ දැනුම්දීමක්..

සාමාන්‍ය පෙළට සිසුන් පෙනී සිටි පාසලේ උසස් පෙළ පන්ති තිබේනම් එම පාසලේම එම සිසුන්ට පන්ති ආරම්භ කර තාවකාලිකව සිසුන් එම පන්තිවලට යොමු කළ යුතු බවයි පැවසෙන්නේ.

එසේ නොවන හෝ සිසුන් හැදෑරීමට අපේක්ෂිත විෂය ධාරා නොමැති පාසල්වල සිසුන් නව අධ්‍යාපන ප්‍රතිසංස්කරණ යටතේ යෝජිත පාසල් පොකුරු තුළ තිබෙන සුදුසු පාසල්වලට තාවකාලිකව අනුයුක්ත කළ යුතු බවයි එම නිවේදනය මගින් දන්වා ඇත්තේ.

ඒ සඳහා හිටපු පාසලෙන් ශිෂ්‍ය කාර්ය දර්ශකය (අස්වීම් සහතිකය)අවශ්‍ය නොවේ.

සාමාන්‍ය පෙළ ලියූ සියලුම සිසුන්ට සහ විදුහල්පතිවරුන්ට විශේෂ දැනුම්දීමක්..

අධ්‍යාපන අමාත්‍යාංශය පවසන්නේ, මෙලෙස තාවකාලිකව ආරම්භ කරන උසස් පෙළ පන්තිවල 12 ශ්‍රේණියට අදාල විෂය නිර්දේශ ඉගැන්විය යුතු බවත්, සාමාන්‍ය පෙළ ප්‍රතිඵල නිකුත්වූ පසු එම පන්ති විධිමත්ව ආරම්භ කිරීමට විදුහල්පතිවරුන් කටයුතු කළ යුතු බවයි.