ඉතාමත් ප්‍රවේශමෙන්. - රැකියා ඇබෑර්තු දැන්වීම් මඟින් පුද්ගලික දත්ත සොරාගැනීමක්.- රජයෙන් විශේෂ දැනුම්දීමක්.

රාජ්‍ය ආයතනවල ලාංඡන යොදා ගනිමින් රැකියා ඇබෑර්තු පවතින බවට ව්‍යාජ දැන්වීම් සමාජ මාධ්‍ය ඔස්සේ ප්‍රචාරය කර පුද්ගලික දත්ත සොරා ගැනීමේ ජාවාරමක් පිළිබඳව තොරතුරු අනාවරණය වී ඇති බව ශ්‍රී ලංකා පරිගණක හදිසි ප්‍රතිචාර සංසදයේ ජ්‍යෙෂ්ඨ තොරතුරු ආරක්ෂක ඉංජිනේරු චාරුක දමුණුපොල මහතා පවසනවා.

ඒ, අනුව පසුගිය දින කිහිපය තුළ එවැනි සිදුවීම් රැසක් වාර්තා වී ඇති බවයි ඔහු පෙන්වා දෙන්නේ.

ශ්‍රී ලංකා මහ බැංකුව නිවේදනය කර තිබුනේ, සිය ලාංඡනය යොදාගෙන වංචනික දැන්වීමක් මේ දිනවල සමාජ මාධ්‍ය ඔස්සේ ප්‍රචාරය වන බවයි.

එමඟින් රැකියා අවස්ථා ලබාදෙන බව පවසමින් අදාළ දැන්වීම පළ කර ඇති අතර එය ව්‍යාජ ලෙස නිර්මාණය කරන ලද දැන්වීමක් බව ශ්‍රී ලංකා මහ බැංකුව පවසනවා.

ඊට අමතරව ශ්‍රීලන්කන් ගුවන් සේවයේ ලාංඡනය ද යොදාගනිමින් පසුගිය දිනවල මෙවැනිම ආකාරයේ රැකියා පුරප්පාඩු පිළිබඳ දැන්වීම් පළ වූ බව වාර්තා වේ.

මේ ආකාරයට රාජ්‍ය ලාංඡන යොදාගෙන පළ වන ව්‍යාජ දැන්වීම්වලට ප්‍රතිචාර දැක්වීම නුසුදුසු බව ශ්‍රී ලංකා පරිගණක හදිසි ප්‍රතිචාර සංසදයේ ජ්‍යෙෂ්ඨ තොරතුරු ආරක්ෂක ඉංජිනේරු චාරුක දමුණුපොල මහතා වැඩිදුරටත් සඳහන් කරනවා.

"ව්‍යාජ වෙබ් අඩවිවලින් බොහෝ වෙලාවට ඔබගේ පෞද්ගලික ලිපිගොනු වන ජාතික හැඳුනුම්පතේ පිටපත්, ගුවන් ගමන් බලපත්‍ර පිටපත්, උප්පැන්න සහතික පිටපත් වැනි පෞද්ගලික තොරතුරු සොරාගැනීම් වාර්තා වෙනවා. මොනම අවස්ථාවකවත් මෙවැනි වෙබ් අඩවිවලට පිවිස තමන්ගේ පෞද්ගලික තොරතුරු දෙන්න එපා."

බදු සමඟ ආනයනික වාහනවල නව මිල ගණන් සටහන් වන්නේ මෙලෙසින්. (සම්පූර්ණ තොරතුරු ඇතුලත්)

රාජ්‍ය සේවා නීති රීති සංශෝදනයක්.

You may like this video