වැටුප් වැඩි කිරීමක් ගැන පාර්ලිමේන්තුවේ කතා වෙයි..වැඩි කළ යුතු ප්‍රමාණය මෙන්න.
Aruna
දෙමළ ප්‍රගතිශීලී සන්ධානයේ (TPA) නායක පාර්ලිමේන්තු මන්ත්‍රී මනෝ ගනේසන් මහතා රජයේ ඉදිරි අයවැය යෝජනාවලට වතු කම්කරුවන් සඳහා අවම වැටුප ලෙස රුපියල් 2000ක් ඇතුළත් කරන ලෙස ඉල්ලා සිටිමින් ප්‍රකාශයක් සිදු කළා.
වතු කම්කරුවන් සඳහා රුපියල් 2000ක අවම දෛනික වැටුපක් අපේක්ෂා කරන බවත්, ඔවුන් ශ්‍රී ලංකාවේ වඩාත්ම ආන්තිකකරණයට ලක් වූ කොටස බව,ඊයේ (09) පාර්ලිමේන්තුව අමතමින් පාර්ලිමේන්තු මන්ත්‍රී මනෝ ගනේසන් මහතා ප්‍රකාශ කළේ ය.
එහිදී මන්ත්‍රීවරයා වැඩිදුරටත් මෙසේ ප්‍රකාශ කළා..
“වතු කම්කරුවන් රැකබලා නොගන්නා තුරු සහ ඔවුන් සමාන පුරවැසියන් ලෙස සැලකිය නොහැකියි” යන්න අවධාරණය කළ ඔහු පැවසුවේ, ජනාධිපති අනුර කුමාර දිසානායක පසුගිය පාර්ලිමේන්තුවේදී වතු කම්කරුවන් පිළිබඳ යෝජනාවලට සම අනුග්‍රහය දැක්වූ බවයි.
මෙම ගැටලුව සම්බන්ධයෙන් දෙමළ ප්‍රගතිශීලී සන්ධානය සමඟ අත්වැල් බැඳ ගන්නා ලෙස පාර්ලිමේන්තු මන්ත්‍රී මනෝ ගනේසන්, වත්මන් පාර්ලිමේන්තුවේ ආණ්ඩු පක්ෂ මන්ත්‍රීවරයෙකු වන, ජනතා විමුක්ති පෙරමුණේ වතු වෘත්තීය සමිතියේ සභාපති සමස්ත ලංකා වතු කම්කරු සංගමයේ කිට්නන් සෙල්වරාජ්ගෙන් තවදුරටත් ඉල්ලා සිටි‍යා.
You May Like This Video
