අස්වැසුම නැති පවුල්වල දරුවන්ට රු.6,000 ලැබෙන්නෙ කොහොම ද?. රජය කීව දෙය මෙන්න..
krishani
පාසල් උපකරණ සහ ලිපිද්‍රව්‍ය මිලදී ගැනීම සඳහා රුපියල් 6,000 ක දීමනාව ලබාදීමේ දී අස්වැසුම ප්‍රතිලාභී නොවන පවුල්වල දරුවන් සඳහා එය ලබා දෙන ආකාරය ගැන දැනුම්දීමක් සිදුකර තිබෙනවා.
ඒ සදහා සුදුසු දරුවන් තෝරා ගැනීම දිවයිනේ පාසල් වල විදුහල්පතිවරුන්ට පවරා තිබෙනවා.
එවැනි දරුවන් තෝරා ගැනීම පාසල් මට්ටමින් සිදු කරනු ලබයි.
ඒ අනුව මෙම සහනය ලැබිය යුතු දරුවන් සොයා බලා ලේඛන සකස් කරන ලෙස පාසල්වල විදුහල්පතිවරුන්ට දැනුම් දී තිබෙනවා.
ඒ බව කැබිනට් ප්‍රකාශක අමාත්‍ය වෛද්‍ය නලින්ද ජයතිස්ස මහතා සදහන් කළේ ය.
ඒ අනුව විදුහල්පතිවරු විසින් තෝරා ගන්නා සුදුසුකම් ඇති දරුවන්ගේ ලේඛනය අධ්‍යාපන අමාත්‍යාංශයට යොමු කළ යුතු වේ.
ඉන් පසුව එම දරුවන්ට ද රුපියල් 6,000 දීමනාව ලබාදෙනු ඇත.
කෙසේ වෙතත්, එහිදී හිමි වන්නේ වවුචර් පතක් ද, නැතහොත් ගිණුමකට මුදල් බැර වන්නේ ද යන්න මුදල් අමාත්‍යංශය ඉදිරියේදී දැනුම් දෙනු ඇත.
ඒ බව වැඩිදුරටත් අදහස් දක්වමින් කැබිනට් ප්‍රකාශක ජනමාධ්‍ය අමාත්‍ය වෛද්‍ය නලින් ද ජයතිස්ස මහතා කියා සිටියේ ය.
You May Like This Video👇
.
